Ekki bókaðar en beðnar um að auglýsa Margrét Helga Erlingsdóttir skrifar 8. júlí 2017 15:36 Konur í íslensku rappsenunni furða sig yfir því að hafa verið beðnar um að auglýsa viðburð sem þeim bauðst ekki að spila á. Vísir/Andri Marínó og Getty Steiney Skúladóttir og fleiri íslenskar rappkonur voru beðnar um að auglýsa tónleika sem þeim var ekki boðið að spila á.Skjáskot af Twittersíðu Steineyjar Á samskiptamiðlinum Twitter gagnrýndu ýmsar konur úr í íslensku rapp og hip hop senunni skilaboð sem þær fengu frá aðstandendum Young Thug tónlistarveislunnar. Skilaboðin voru á þá leið að tónleikahaldarar leituðust við að virkja kvenþjóðina til að mæta á tónleikana vegna þess að 80% af seldum miðum væru keyptir af karlmönnum á aldrinum 18-36 ára. Tónlistarkonurnar voru beðnar um að auglýsa tónleikana í skiptum fyrir ókeypis miða. Young Thug var aðalatriðið í rappveislu sem haldin var í gær í Laugardalshöllinni. Þar komu fram ellefu flytjendur og af þeim var einn kvenkyns rappari. Listamenn á borð við Gísla Pálma, Aron Can og Emmsjé Gauta tróðu upp fyrir fullum sal. Að sögn tónleikagesta fór viðburðurinn vel fram.Steiney Skúladóttir vill fleiri stelpur á sviðið.OddvarSteiney Skúladóttir, rappari, dagskrárgerðarkona og leikkona birti á Twittersíðunni sinni svar sitt við þessari beiðni. Hún sagðist halda að ástæðan fyrir fáum kvenkynsáhorfendum vera flytjendalisti sem sé „algjör typpaveisla.“ Hún biður aðstandendur um að hafa þetta hugfast fyrir næstu tónleika. Fjölbreytni í listamannavali muni jafna kynjahlutföll tónleikagesta. Þura Stína Kristleifsdóttir, plötusnúður og hljómsveitarmeðlimur í Cyber og Reykjavíkurdætrum tekur undir með Steineyju og segist, í samtali við Vísi, vita um að minnsta kosti átta konur í rapp og hip hop senunni sem hafi fengið þessi skilaboð. Þura Stína segist vera orðin þreytt á kynjahallanum í íslensku tónlistarlífi. Þetta sé raunin bæði á böllum og tónleikum. „Line-upið er eiginlega alltaf bara strákar en samt á þetta að vera fyrir alla,“ segir Þura Stína. Henni finnist skrítið að tónleikahaldarar hafi samband við þær í þeim tilgangi að auglýsa tónleikana en ekki til að fá þær til að spila: „Svo skilja þeir ekki hvers vegna það eru bara karlmenn í salnum,“ segir Þura Stína. Henni þykir jafnframt verst að sjá auglýsingar fyrir menntaskólaböll þar sem oftar en ekki séu einungis karlar bókaðir og auglýstir.Þura Stína segir íslensku senuna vera frekar lokaða.Þura StínaBáðar vilja Þura Stína og Steiney taka fram að allir listamennirnir sem komu fram í gær séu frábærir tónlistarmenn. „Það tekur það enginn af þeim og þetta snýst ekki um það,“ segir Þura sem segir gagnrýnina beinast að tónleikahöldurum og fjölmiðlum. Hún segir ýmsa tónleikahaldara og fjölmiðla ekki taka kvenkyns tónlistarmenn nægilega til greina.Íslenska senan lokaðri Spurð að því hvort málum sé öðruvísi háttað erlendis segir Þura: „Algjörlega, við spilum mikið úti. Reykjavíkurdætur spila úti um allt. Senan er einhvern veginn lokuð hér,“ segir Þura sem segir það skjóta skökku við að hafa troðið upp á Hróarskeldu fyrir 8000 manns á sama tíma og íslenska senan sé svona lokuð.Þorsteinn Stephensen er einn þeirra sem kom að tónlistarveislunni í Laugardalshöll.Fréttablaðið/HörðurVísir hafði samband við Þorstein Stephensen, einn þeirra sem stóðu að tónleikunum. Hann segist elska Reykjavíkurdætur og alltaf vera opinn fyrir gagnrýni. Þorsteinn segist ekki hafa komið einn að því að skipa flytjendahópinn. Hópurinn sem hafi staðið að tónleikunum hafi frá upphafi verið meðvitaður um hlut kvenna í tónlist og segir hann að þeir hafi viljað hafa fleiri stelpur. „Þegar við byrjuðum á þessu þá réðum við Young Thug og Krept and Konan, sem eru erlendir „artistar.“ Ástæðan fyrir því að þetta blæs svona út og verður að svona stóru „showi“ með svona mörgum listamönnum er að þeir voru svo gríðarlega áhugasamir að fá að hita upp og þeir voru svo margir sem höfðu samband við okkur svo þetta vatt upp á sig,“ segir Þorsteinn sem bætir við að Alvia hafi verið á meðal þeirra sem hafði samband af fyrra bragði.Skilaboðin liður í markaðssetningu Spurður út í það hvers vegna þeir hafi ákveðið að senda þeim skilaboð og biðja þær um að auglýsa segir Þorsteinn að margir hafi komið að markaðssetningunni. Það hafi verið liður í að markaðssetja viðburðinn að fá áhrifafólk á samfélagsmiðlum til að auglýsa tónleikana. Þorsteinn segir að framan af hafi karlar verið í miklum meirihluta þeirra sem keyptu miða. Það hafi fengið þá til að hugsa: „hvað er að gerast, hafa stelpurnar ekki áhuga á þessu?“ Í kjölfarið hafi farið í gang umræða um það að fá stelpur til þess að skapa meiri áhuga á tónleikunum í gegnum netið. „Þegar við vorum að skoða söluna þá sáum við það að við vildum ná betur til kvenna.“ Hugmyndin hafi verið að reyna að fá konur sem aðrar konur fylgjast með til að auglýsa. Hann segist ávallt vilja styðja konur í tónlist og bætir við að Reykjavíkurdætur séu æðislegar. „Þær verða bara með næst, ekki spurning,“ segir Þorsteinn. Fyrirsögn var stytt Mest lesið Hundarnir þegar aflífaðir en ákvörðun um lógun ólögmæt Innlent Öryggisráðið ákveður að taka yfir Gasa-borg Erlent Dvalarleyfi langtum dýrara í hinum Norðurlöndunum Innlent Telja að lífvörður myndi aðeins gera ferðamenn kærulausari Innlent Keppa við Kínverja og Rússa um að koma kjarnakljúfi til tunglsins Erlent Fann hagtölur sem honum líkar og hélt óvæntan blaðamannafund Erlent Nauðsynlegt að fólk fái úrræði til að vernda sig frá djúpfölsunum Innlent Sektaður fyrir að aka á 321 kílómetra hraða Erlent Skjálfti fannst á höfuðborgarsvæðinu Innlent Þyrlan á mesta forgangi vegna manns sem féll í Vestari-Jökulsá Innlent Fleiri fréttir Amma ræsti neyðarhnapp við enn eina árás dóttur sinnar Þyrlan á mesta forgangi vegna manns sem féll í Vestari-Jökulsá Fangar í einangrun vegna sama máls noti ekki sama útisvæði Hundarnir þegar aflífaðir en ákvörðun um lógun ólögmæt Samskipti fanga í einangrun, tapsárir Danir og drottning Gleðigöngunnar Allir fundir við ESB „fyrst og fremst“ hagsmunagæsla Telja að lífvörður myndi aðeins gera ferðamenn kærulausari Esjan snjólaus og það óvenju snemma Íslendingurinn í Grikklandi laus úr haldi Dvalarleyfi langtum dýrara í hinum Norðurlöndunum Lögreglurannsókn á banaslysi í Brúará „svo til“ lokið Nauðsynlegt að fólk fái úrræði til að vernda sig frá djúpfölsunum Enginn handtekinn eftir hópslagsmálin Skjálfti fannst á höfuðborgarsvæðinu Finna áhugann dvína á meðan vinir berjast og deyja á vígvellinum „Það fer enginn lífvörður út í“ Reyndi að kaupa glás af nammi og kom upp um tíu ára bankaræningja Gufunesmálið: „Þetta átti aldrei að fara svona“ Lygilegar tilraunir til að hafa áhrif á sakborning, Reynisfjara og tollar Trumps Olíuleit á teikniborðinu og býst við tíðindum í vetur Smokkamaðurinn enn ófundinn Sjúkrabíllinn bilaður og kemst ekki með sjúkling úr Þakgili Þrír á þaki jeppa á kafi í Jökulsá í Lóni Gefur sig fram fimmtíu árum eftir bankarán í Kópavogi Alvarlegt vinnuslys í Skagafirði Undirbúa steypuvinnu fyrir nýju Ölfusárbrúna Þungar áhyggjur af „síversnandi stöðu Íslands“ „Yfirgangur gyðingahataranna er algerlega óþolandi“ Af hættustigi á óvissustig vegna eldgoss Sálfræðingar rukka hátt í 26 þúsund krónur Sjá meira
Steiney Skúladóttir og fleiri íslenskar rappkonur voru beðnar um að auglýsa tónleika sem þeim var ekki boðið að spila á.Skjáskot af Twittersíðu Steineyjar Á samskiptamiðlinum Twitter gagnrýndu ýmsar konur úr í íslensku rapp og hip hop senunni skilaboð sem þær fengu frá aðstandendum Young Thug tónlistarveislunnar. Skilaboðin voru á þá leið að tónleikahaldarar leituðust við að virkja kvenþjóðina til að mæta á tónleikana vegna þess að 80% af seldum miðum væru keyptir af karlmönnum á aldrinum 18-36 ára. Tónlistarkonurnar voru beðnar um að auglýsa tónleikana í skiptum fyrir ókeypis miða. Young Thug var aðalatriðið í rappveislu sem haldin var í gær í Laugardalshöllinni. Þar komu fram ellefu flytjendur og af þeim var einn kvenkyns rappari. Listamenn á borð við Gísla Pálma, Aron Can og Emmsjé Gauta tróðu upp fyrir fullum sal. Að sögn tónleikagesta fór viðburðurinn vel fram.Steiney Skúladóttir vill fleiri stelpur á sviðið.OddvarSteiney Skúladóttir, rappari, dagskrárgerðarkona og leikkona birti á Twittersíðunni sinni svar sitt við þessari beiðni. Hún sagðist halda að ástæðan fyrir fáum kvenkynsáhorfendum vera flytjendalisti sem sé „algjör typpaveisla.“ Hún biður aðstandendur um að hafa þetta hugfast fyrir næstu tónleika. Fjölbreytni í listamannavali muni jafna kynjahlutföll tónleikagesta. Þura Stína Kristleifsdóttir, plötusnúður og hljómsveitarmeðlimur í Cyber og Reykjavíkurdætrum tekur undir með Steineyju og segist, í samtali við Vísi, vita um að minnsta kosti átta konur í rapp og hip hop senunni sem hafi fengið þessi skilaboð. Þura Stína segist vera orðin þreytt á kynjahallanum í íslensku tónlistarlífi. Þetta sé raunin bæði á böllum og tónleikum. „Line-upið er eiginlega alltaf bara strákar en samt á þetta að vera fyrir alla,“ segir Þura Stína. Henni finnist skrítið að tónleikahaldarar hafi samband við þær í þeim tilgangi að auglýsa tónleikana en ekki til að fá þær til að spila: „Svo skilja þeir ekki hvers vegna það eru bara karlmenn í salnum,“ segir Þura Stína. Henni þykir jafnframt verst að sjá auglýsingar fyrir menntaskólaböll þar sem oftar en ekki séu einungis karlar bókaðir og auglýstir.Þura Stína segir íslensku senuna vera frekar lokaða.Þura StínaBáðar vilja Þura Stína og Steiney taka fram að allir listamennirnir sem komu fram í gær séu frábærir tónlistarmenn. „Það tekur það enginn af þeim og þetta snýst ekki um það,“ segir Þura sem segir gagnrýnina beinast að tónleikahöldurum og fjölmiðlum. Hún segir ýmsa tónleikahaldara og fjölmiðla ekki taka kvenkyns tónlistarmenn nægilega til greina.Íslenska senan lokaðri Spurð að því hvort málum sé öðruvísi háttað erlendis segir Þura: „Algjörlega, við spilum mikið úti. Reykjavíkurdætur spila úti um allt. Senan er einhvern veginn lokuð hér,“ segir Þura sem segir það skjóta skökku við að hafa troðið upp á Hróarskeldu fyrir 8000 manns á sama tíma og íslenska senan sé svona lokuð.Þorsteinn Stephensen er einn þeirra sem kom að tónlistarveislunni í Laugardalshöll.Fréttablaðið/HörðurVísir hafði samband við Þorstein Stephensen, einn þeirra sem stóðu að tónleikunum. Hann segist elska Reykjavíkurdætur og alltaf vera opinn fyrir gagnrýni. Þorsteinn segist ekki hafa komið einn að því að skipa flytjendahópinn. Hópurinn sem hafi staðið að tónleikunum hafi frá upphafi verið meðvitaður um hlut kvenna í tónlist og segir hann að þeir hafi viljað hafa fleiri stelpur. „Þegar við byrjuðum á þessu þá réðum við Young Thug og Krept and Konan, sem eru erlendir „artistar.“ Ástæðan fyrir því að þetta blæs svona út og verður að svona stóru „showi“ með svona mörgum listamönnum er að þeir voru svo gríðarlega áhugasamir að fá að hita upp og þeir voru svo margir sem höfðu samband við okkur svo þetta vatt upp á sig,“ segir Þorsteinn sem bætir við að Alvia hafi verið á meðal þeirra sem hafði samband af fyrra bragði.Skilaboðin liður í markaðssetningu Spurður út í það hvers vegna þeir hafi ákveðið að senda þeim skilaboð og biðja þær um að auglýsa segir Þorsteinn að margir hafi komið að markaðssetningunni. Það hafi verið liður í að markaðssetja viðburðinn að fá áhrifafólk á samfélagsmiðlum til að auglýsa tónleikana. Þorsteinn segir að framan af hafi karlar verið í miklum meirihluta þeirra sem keyptu miða. Það hafi fengið þá til að hugsa: „hvað er að gerast, hafa stelpurnar ekki áhuga á þessu?“ Í kjölfarið hafi farið í gang umræða um það að fá stelpur til þess að skapa meiri áhuga á tónleikunum í gegnum netið. „Þegar við vorum að skoða söluna þá sáum við það að við vildum ná betur til kvenna.“ Hugmyndin hafi verið að reyna að fá konur sem aðrar konur fylgjast með til að auglýsa. Hann segist ávallt vilja styðja konur í tónlist og bætir við að Reykjavíkurdætur séu æðislegar. „Þær verða bara með næst, ekki spurning,“ segir Þorsteinn. Fyrirsögn var stytt
Mest lesið Hundarnir þegar aflífaðir en ákvörðun um lógun ólögmæt Innlent Öryggisráðið ákveður að taka yfir Gasa-borg Erlent Dvalarleyfi langtum dýrara í hinum Norðurlöndunum Innlent Telja að lífvörður myndi aðeins gera ferðamenn kærulausari Innlent Keppa við Kínverja og Rússa um að koma kjarnakljúfi til tunglsins Erlent Fann hagtölur sem honum líkar og hélt óvæntan blaðamannafund Erlent Nauðsynlegt að fólk fái úrræði til að vernda sig frá djúpfölsunum Innlent Sektaður fyrir að aka á 321 kílómetra hraða Erlent Skjálfti fannst á höfuðborgarsvæðinu Innlent Þyrlan á mesta forgangi vegna manns sem féll í Vestari-Jökulsá Innlent Fleiri fréttir Amma ræsti neyðarhnapp við enn eina árás dóttur sinnar Þyrlan á mesta forgangi vegna manns sem féll í Vestari-Jökulsá Fangar í einangrun vegna sama máls noti ekki sama útisvæði Hundarnir þegar aflífaðir en ákvörðun um lógun ólögmæt Samskipti fanga í einangrun, tapsárir Danir og drottning Gleðigöngunnar Allir fundir við ESB „fyrst og fremst“ hagsmunagæsla Telja að lífvörður myndi aðeins gera ferðamenn kærulausari Esjan snjólaus og það óvenju snemma Íslendingurinn í Grikklandi laus úr haldi Dvalarleyfi langtum dýrara í hinum Norðurlöndunum Lögreglurannsókn á banaslysi í Brúará „svo til“ lokið Nauðsynlegt að fólk fái úrræði til að vernda sig frá djúpfölsunum Enginn handtekinn eftir hópslagsmálin Skjálfti fannst á höfuðborgarsvæðinu Finna áhugann dvína á meðan vinir berjast og deyja á vígvellinum „Það fer enginn lífvörður út í“ Reyndi að kaupa glás af nammi og kom upp um tíu ára bankaræningja Gufunesmálið: „Þetta átti aldrei að fara svona“ Lygilegar tilraunir til að hafa áhrif á sakborning, Reynisfjara og tollar Trumps Olíuleit á teikniborðinu og býst við tíðindum í vetur Smokkamaðurinn enn ófundinn Sjúkrabíllinn bilaður og kemst ekki með sjúkling úr Þakgili Þrír á þaki jeppa á kafi í Jökulsá í Lóni Gefur sig fram fimmtíu árum eftir bankarán í Kópavogi Alvarlegt vinnuslys í Skagafirði Undirbúa steypuvinnu fyrir nýju Ölfusárbrúna Þungar áhyggjur af „síversnandi stöðu Íslands“ „Yfirgangur gyðingahataranna er algerlega óþolandi“ Af hættustigi á óvissustig vegna eldgoss Sálfræðingar rukka hátt í 26 þúsund krónur Sjá meira