Björn Bergmann Sigurðarson var á skotskónum fyrir Molde í kvöld er liðið gerði 1-1 jafntefli gegn Strömsgodset í norsku úrvalsdeildinni.
Björn kom Molde yfir á 38. mínútu en Strömsgodset jafnaði í upphafi síðari hálfleiks og þar við sat. Skagamaðurinn er búinn að skora sjö mörk fyrir sitt lið á tímabilinu.
Björn fór af velli á 71. mínútu. Óttar Magnús Karlsson sat allan tímann á bekknum hjá Molde.
Molde er í fimmta sæti deildarinnar.
Björn skoraði fyrir Molde
