Fótbolti

Jón Guðni í úrvalsliði sérfræðings SVT

Ingvi Þór Sæmundsson skrifar
Jón Guðni hefur leikið alla 13 leiki Norrköping á tímabilinu.
Jón Guðni hefur leikið alla 13 leiki Norrköping á tímabilinu. vísir/getty
Jón Guðni Fjóluson er annar af tveimur bestu miðvörðum sænsku úrvalsdeildarinnar það sem af er tímabili að mati Daniel Nannskog, sérfræðings SVT Sport.

Þegar tímabilið er tæplega hálfnað eru Jón Guðni og félagar í Norrköping í 2. sæti sænsku deildarinnar, með jafn mörg stig og topplið Malmö en aðeins lakari markatölu.

Jón Guðni er á sínu öðru tímabili hjá Norrköping og hefur spilað einkar vel í sumar. Svo vel að hann komst í úrvalslið tímabilsins hingað til sem Nannskog valdi.

Jón Guðni er annar af tveimur fulltrúum Norrköping í úrvalsliði Nannskogs. Hinn er kantmaðurinn Niclas Eliasson sem hefur skorað þrjú mörk og gefið átta stoðsendingar á tímabilinu.

Malmö á flesta fulltrúa í úrvalsliðinu, eða þrjá talsins. Það er vinstri bakvörðurinn Behrang Safari, miðjumaðurinn Anders Christiansen og framherjinn Markus Rosenberg.

Úrvalslið sænsku úrvalsdeildarinnar að mati Daniels Nannskog:

Andreas Isaksson, Djurgården

Daniel Sundgren, AIK

Per Karlsson, AIK

Jón Guðni Fjóluson, Norrköping

Behrang Safari, Malmö

Anders Christiansen, Malmö

Kim Källstrom, Djurgården

Niclas Eliasson, Norkköping

Kingsley Sarfo, Sirius

Ken Sema, Östersund

Markus Rosenberg, Malmö

Fótbolti á Norðurlöndum

Tengdar fréttir

Fimmti sigur Norrköping í síðustu sex leikjum

Íslendingaliðið Norrköping vann sinn fimmta sigur í síðustu sex leikjum þegar liðið lagði Göteborg að velli, 2-0, í sænsku úrvalsdeildinni í dag. Norrköping er í 2. sæti deildarinnar.

Mest lesið


Fleiri fréttir

Sjá meira


×

Mest lesið