Ný ritröð frá höfuðstað Norðurlands Stefán Þór Hjartarson skrifar 8. júní 2017 07:00 Höfundar ritanna ásamt Júlíu Runólfsdóttur, hönnuði. Mynd/Hugi Hlynsson Flóra er menningarstaður á Akureyri með þríþætta starfsemi: menningarviðburði, vinnustofur og svo verslun og allt er þetta staðsett í hjarta Akureyrarbæjar. Flóra hefur verið starfrækt í sex ár og gefa nú út fyrsta holl ritraðarinnar Pastel. Af því tilefni verður útgáfuhóf í Flóru á Akureyri á föstudaginn klukkan 17. „Við erum að fagna útgáfu fyrstu fimm rita í ritröðinni Pastel sem er gefinn útaf Flóru. Þessi útgáfa er í raun hluti af okkar menningardagskrá. Við erum alltaf með árlegt menningarprógramm sem samanstendur af sýningum, tónleikum, uppákomum, upplestrum og svo framvegis. Í ár ákváðum við að hluti af menningardagskrá Flóru væri þessu útgáfa. Það eru væntanleg fleiri rit í ritröðinni á næstu árum – á hverju vori að minnsta kosti og jafnvel eitthvað inn á milli líka,“ segir Kristín Kjartansdóttir framkvæmdarstýra Flóru. Höfundar í þessu fyrsta holli koma úr ýmsum áttum úr hinum skapandi geira, en þeir eru Margrét H. Blöndal, Þórgunnur Oddsdóttir, Kristín Þóra Kjartansdóttir, Megas og Hlynur Hallsson. Útgáfan er aðeins hundrað eintök sem eru árituð og númeruð og þau munu ekki vera endurútgefin. Öll ritin voru unnin í nánu samstarfi hönnuðar ritraðarinnar, Júlíu Runólfsdóttur, og höfundar – þannig að það má segja að útkoman sé nokkuð persónubundin eftir höfundinum. Pastel er allt gefið út og prentað á Akureyri þó að höfundarnir séu sumir hverjir úr höfuðborginni. „Þetta eru lítil rit, fyrirmyndin af þeim eru gamlir bæklingar frá því um miðri tuttugustu öld sem við fengum gefins í fyrra frá bóndabæ hér á Norðurlandi – þau gáfu okkur mikið af gömlum ritum og þar á meðal voru fundargerðir sýslunefndar Suður-Þingeyjarsýslu. Þær eru í þessu formati - útlitið á þeim er þannig að þau eru lítil og þunn, mjög hversdagsleg, þetta eru náttúrulega fundargerðir. Júlía Runólfsdóttir hönnuður er sú sem hannaði ritin fyrir okkur og setti þau upp hún vann út frá þessum gömlu ritum varðandi útlitið og stílinn. Þetta er eins og maður sé að fá í hendurnar einhverskonar samantekt – en innihaldið er allt annað. Það er erfitt að skilgreina efnið – allir höfundarnir liggja svolítið á milli ýmissa sviða skapandi geirans. Þetta eru prósaljóð, frásagnir, dagbókarbrot og svo er myndefni veigamikið á köflum, hjá sumum meira en öðrum. Þetta er svolítið myndefni en þetta teljast samt ritverk. Það er gaman að geta gefið út svona verk hér á Akureyri – það eru ekkert rosalega margir að gefa út hérna fyrir norðan,“ segir Kristín sem telur að þessi útgáfa geti virkað sem lyftistöng fyrir bókmenntaumræðu- og útgáfu norðan heiða en hún segir hana ekki vera fyrirferðamikla eins og málin standa í dag. Mest lesið „Ég fæ morgnana til að vera bara ég“ Tónlist Tæpur helmingur íbúa hefur séð myndina Bíó og sjónvarp Ógleymanlegt fermingarpils enn í uppáhaldi Tíska og hönnun Fréttatía vikunnar: Hollywood stjörnur, þjóðarréttir og pólitík Lífið Aldrei litið betur út þrátt fyrir alvarlegt slys Lífið Geggjað heimatilbúið „Twix“ Lífið Borðar það sem alltaf hefur verið til og léttist og léttist Lífið Ein lausn er að liggja hlið við hlið og fróa sér Lífið „Það er alveg hægt að vinna rifrildið, en þá tapar sambandið“ Makamál Eignaðist alvöru pungsa með alvöru pungsa Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Flóra er menningarstaður á Akureyri með þríþætta starfsemi: menningarviðburði, vinnustofur og svo verslun og allt er þetta staðsett í hjarta Akureyrarbæjar. Flóra hefur verið starfrækt í sex ár og gefa nú út fyrsta holl ritraðarinnar Pastel. Af því tilefni verður útgáfuhóf í Flóru á Akureyri á föstudaginn klukkan 17. „Við erum að fagna útgáfu fyrstu fimm rita í ritröðinni Pastel sem er gefinn útaf Flóru. Þessi útgáfa er í raun hluti af okkar menningardagskrá. Við erum alltaf með árlegt menningarprógramm sem samanstendur af sýningum, tónleikum, uppákomum, upplestrum og svo framvegis. Í ár ákváðum við að hluti af menningardagskrá Flóru væri þessu útgáfa. Það eru væntanleg fleiri rit í ritröðinni á næstu árum – á hverju vori að minnsta kosti og jafnvel eitthvað inn á milli líka,“ segir Kristín Kjartansdóttir framkvæmdarstýra Flóru. Höfundar í þessu fyrsta holli koma úr ýmsum áttum úr hinum skapandi geira, en þeir eru Margrét H. Blöndal, Þórgunnur Oddsdóttir, Kristín Þóra Kjartansdóttir, Megas og Hlynur Hallsson. Útgáfan er aðeins hundrað eintök sem eru árituð og númeruð og þau munu ekki vera endurútgefin. Öll ritin voru unnin í nánu samstarfi hönnuðar ritraðarinnar, Júlíu Runólfsdóttur, og höfundar – þannig að það má segja að útkoman sé nokkuð persónubundin eftir höfundinum. Pastel er allt gefið út og prentað á Akureyri þó að höfundarnir séu sumir hverjir úr höfuðborginni. „Þetta eru lítil rit, fyrirmyndin af þeim eru gamlir bæklingar frá því um miðri tuttugustu öld sem við fengum gefins í fyrra frá bóndabæ hér á Norðurlandi – þau gáfu okkur mikið af gömlum ritum og þar á meðal voru fundargerðir sýslunefndar Suður-Þingeyjarsýslu. Þær eru í þessu formati - útlitið á þeim er þannig að þau eru lítil og þunn, mjög hversdagsleg, þetta eru náttúrulega fundargerðir. Júlía Runólfsdóttir hönnuður er sú sem hannaði ritin fyrir okkur og setti þau upp hún vann út frá þessum gömlu ritum varðandi útlitið og stílinn. Þetta er eins og maður sé að fá í hendurnar einhverskonar samantekt – en innihaldið er allt annað. Það er erfitt að skilgreina efnið – allir höfundarnir liggja svolítið á milli ýmissa sviða skapandi geirans. Þetta eru prósaljóð, frásagnir, dagbókarbrot og svo er myndefni veigamikið á köflum, hjá sumum meira en öðrum. Þetta er svolítið myndefni en þetta teljast samt ritverk. Það er gaman að geta gefið út svona verk hér á Akureyri – það eru ekkert rosalega margir að gefa út hérna fyrir norðan,“ segir Kristín sem telur að þessi útgáfa geti virkað sem lyftistöng fyrir bókmenntaumræðu- og útgáfu norðan heiða en hún segir hana ekki vera fyrirferðamikla eins og málin standa í dag.
Mest lesið „Ég fæ morgnana til að vera bara ég“ Tónlist Tæpur helmingur íbúa hefur séð myndina Bíó og sjónvarp Ógleymanlegt fermingarpils enn í uppáhaldi Tíska og hönnun Fréttatía vikunnar: Hollywood stjörnur, þjóðarréttir og pólitík Lífið Aldrei litið betur út þrátt fyrir alvarlegt slys Lífið Geggjað heimatilbúið „Twix“ Lífið Borðar það sem alltaf hefur verið til og léttist og léttist Lífið Ein lausn er að liggja hlið við hlið og fróa sér Lífið „Það er alveg hægt að vinna rifrildið, en þá tapar sambandið“ Makamál Eignaðist alvöru pungsa með alvöru pungsa Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira