Sjáðu sigurdans Glódísar Perlu og stallna hennar

Glódís Perla Viggósdóttir og stöllur hennar í Eskilstuna United unnu góðan sigur á Rosengård, 3-2, í sænsku úrvalsdeildinni í fótbolta í gær.

Glódís var á sínum stað í vörn Eskilstuna og lék allan leikinn.

Eftir leikinn fögnuðu Glódís og stöllur hennar sigrinum með léttum danssporum í búningsklefanum eins og sjá má í myndbandi sem birt var á Facebook-síðu félagsins.

Myndbandið má sjá með því að smella hér.

Eskilstuna hefur farið vel af stað á tímabilinu og er í 3. sæti sænsku deildarinnar með sjö stig eftir þrjár fyrstu umferðirnar.