Barcelona tapaði fyrir Malaga og Neymar sá rautt

Óvæntustu úrslit helgarinnar voru í spænska boltanum um helgina en Malaga vann frábæran sigur á Barcelona 2-0 á heimavelli.

Sandro Ramirez skoraði fyrsta mark leiksins á 32. mínútu og kom heimamönnum yfir. Staðan var 1-0 í hálfleik og útlitið ekki nægilega gott. Ekki skánaði það á 66. mínútu þegar Neymar fékk rautt spjald og Barca einum manni færri.

Malaga náði að tryggja sér sigur á 90. mínútu þegar Jony skoraði sigurmarkið og Malaga vann leikinn 2-0.

Barcelona er í öðru sæti deildarinnar með 69 stig, þremur stigum á eftir Real Madrid.

Malaga í því 14. með 33 stig.