Sjúkrabíll fauk út af á Bláfjallaafleggjaranum fyrr í dag. Rúta hafði fokið út af veginum skammt frá en engin slys urðu á fólki. Ákveðið var hins vegar að senda tvo sjúkrabíla á vettvang til að sinna farþegunum en annar þeirra fauk út af veginum sem liggur um brekku á Bláfjallaafleggjaranum.
Rekur slökkviliðið það til hálku og mikils roks en engin slys urðu á þeim sem voru í sjúkrabílnum.
Talsverðan tíma tók að ná bílnum aftur upp á veg, eða um þrjá til fjóra klukkutíma. Samkvæmt upplýsingum frá slökkviliði höfuðborgarsvæðisins var ekki stætt um tíma á staðnum vegna brjálaðs veðurs.
Engin óþægindi hlutust af þessu önnur en að þarna var mannskapur bundinn við þetta verkefni í nokkra klukkutíma við að ná bílnum aftur upp á veginn.
Sjúkrabíll í útkalli fauk út af
Tengdar fréttir
Veðurvakt Vísis
Spáð er vonsku veðri á landinu í dag og mun Vísir fylgjast með gangi mála.
Tugir hafa fest bíla sína í efri byggðum höfuðborgarsvæðisins
"Þessu veðri var spáð og að færð gæti spillst.“
Eigandi kranans í Bæjarlind sinnti ekki fyrirmælum um að taka hann niður
Sami byggingarkrani og lokaði Bæjarlind 8. febrúar síðastliðinn.
Mikill erill hjá björgunarsveitum: Bílar fokið út af og foktjón vegna óveðurs
Björgunarsveitarfólk í startholum vegna óveðurs sem nær hámarki á norðanverðu landinu sídegis.
