Allar leiðir til og frá Reykjavík eru lokaðar nema Reykjanesbraut, samkvæmt upplýsingum frá Vegagerðinni. Þannig er búið að loka Hellisheiði og Þrengslum.
Stofnbrautir á höfuðborgarsvæðinu eru ekki færar fólksbílum enda er skyggni nánast ekkert um þessar mundir og mokstur liggur að miklu leyti niðri.
Lögreglan á höfuðborgarsvæðinu beinir því til fólks að halda sig heima. Aðeins þeir sem eru á vel útbúnum bílum geta komist milli staða.
Allar leiðir til og frá Reykjavík lokaðar
