Florentin Pogba hefur leikið með Saint-Étienne frá árinu 2012. Hann er þremur árum eldri en Paul Pogba sem gekk í raðir United fyrir metfé fyrir þetta tímabil.
„Við erum báðir staðfastir leikmenn,“ sagði Florentin.
„Ef hann er á ferðinni og ég þarf að tækla hann, þá geri ég það. Ég mun ekki rota hann en ef ég þarf að brjóta á honum geri ég það.“
Florentin er tvíburi en tvíburabróðir hans, Mathias, spilar með Spörtu í Rotterdam.
Florentin fæddist í Conakry, höfuðborg Gíneu, í ágúst 1990 en Pogba fjölskyldan fluttist til Frakklands þegar Florentin og Mathias voru átta mánaða gamlir.
Florentin leikur með landsliði Gíneu en ekki Frakklands eins og Paul.
