Geggjað að vera undir pari þrjá daga af fjórum Ingvi Þór Sæmundsson skrifar 30. janúar 2017 06:00 Ólafía Þórunn lék á fimm höggum undir pari á Bahamaeyjum. MYND/GSÍ/SETH@GOLF.IS Ólafía Þórunn Kristinsdóttir lauk keppni á Pure Silk Bahama Classic mótinu á Bahamaeyjum í gærkvöldi. Þetta var frumraun hennar á stærsta sviðinu, LPGA mótaröðinni, þeirri sterkustu í heimi. „Ég er mjög sátt. Það var geggjað að ná niðurskurði og vera undir pari á þremur dögum af fjórum,“ sagði Ólafía í samtali við Fréttablaðið í gærkvöldi. Ólafía lauk keppni á fimm höggum undir pari og endaði í 69.-72. sæti af 108 keppendum. Ólafía lék frábært golf fyrstu tvo keppnisdagana og var samtals á sjö höggum undir pari eftir þá. Dagur tvö var sérstaklega góður hjá Ólafíu en þar tapaði hún ekki höggi, lék á fimm höggum undir pari og komst auðveldlega í gegnum niðurskurðinn. En fór frammistaðan fram úr hennar björtustu vonum?Hugsar væntingalaust „Ég myndi ekki segja það. Ég hugsa væntingalaust, þannig stend ég mig best. Ég trúi að ég geti spilað mjög vel en hugsa ekki mikið um það,“ sagði Ólafía. Henni tókst ekki jafn vel upp á þriðja deginum. Þar fékk Ólafía fimm skolla, aðeins einn fugl og tók tvisvar sinnum víti á hringnum. Hún lék þriðja hringinn á samtals fjórum höggum yfir pari.Leið skringilega Ólafía segir að henni hafi liðið undarlega á laugardaginn og hreinlega ekki verið með sjálfri sér. „Dagar eitt, tvö og fjögur voru mjög svipaðir. Það fóru bara fleiri pútt ofan í annan daginn. Þriðji dagurinn var „off-dagur“. Mér leið skringilega og gat ekki einbeitt mér. Mér leið eins og einhverri allt annarri,“ sagði Ólafía sem útilokar ekki að þreyta hafi gert vart við sig. Hún fór í stóra kjálkaaðgerð fyrir jól en það getur tekið nokkrar vikur að jafna sig á henni. „Það gæti verið. Ég var svolítið þreytt. En ég var aðeins frískari í dag og náði að hvílast vel. Ég fór líka til sjúkraþjálfara og fékk nudd,“ sagði Ólafía sem náði sér mun betur á strik í gær. Þar fékk hún fjóra fugla og lék alls á tveimur höggum undir pari.Vinkonan hjálpaði til Mótið á Bahamaeyjum er það stærsta á ferli Ólafíu. Þrátt fyrir það segist hún ekki hafa fundið fyrir stressi úti á vellinum. Það hafi líka hjálpað að vera með vinkonu sinni í ráshóp fyrstu tvo dagana. „Þetta var ótrúlega gaman og ekkert stress. Ég var heppin að vera með Cheyenne Woods í ráshóp, það hjálpaði mér mikið að vera afslöppuð. Það var mjög gaman hjá okkur,“ sagði Ólafía en þær Woods voru saman í Wake Forest-háskólanum í Norður-Karólínu.Ástralía næst á dagskrá Ólafía segir að frammistaðan á mótinu á Bahamaeyjum gefi henni byr undir báða vængi fyrir framhaldið. „Þetta gefur mér meira sjálfstraust og meiri reynslu. Ég held áfram að reyna að bæta mig,“ sagði Ólafía sem ætlar að slappa af á Bahamaeyjum í dag. Síðan tekur við undirbúningur fyrir næsta mót sem fer fram í Adelaide í Ástralíu 16.-19. febrúar. „Ég tek einn aukadag hér og fer svo til Orlando í fimm daga. Ég kem svo til Íslands og nokkrum dögum síðar fer ég til Ástralíu,“ sagði Ólafía sem býst við að undirbúningurinn fyrir mótið í Ástralíu verði svipaður og fyrir mótið um helgina. „Mesta áherslan er á stutta spilið og gæði í slættinum. Ég held að ég sé á réttri leið með æfingarnar.“ Golf Mest lesið Eiginkona Diogo Jota með vasaklútaskilaboð Enski boltinn Segir að Trump hafi stungið gullmedalíu inn á sig Fótbolti Undrabarn Barcelona hefur stækkað um tíu sentimetra Fótbolti Spánverjar í úrslitaleikinn: Bonmatí sýndi af hverju hún er best í heimi Fótbolti Fabregas útilokar ekki að Messi spili fyrir hann hjá Como Fótbolti Freyr ósáttur með dómarann: „Svo slæmt að ég er orðlaus“ Fótbolti Yfirlýsing frá KSÍ: Þrengt að þjóðarleikvanginum Íslenski boltinn Sjáðu Stefán Inga skora fyrstu þrennu Íslendings í næstum því fimm ár Fótbolti Uppgjör: Silkeborg-KA 1-1 | Töfrar Hallgríms tryggðu KA frábær úrslit Fótbolti Gagnrýnd af forsetanum fyrir að vilja sofa hjá strákunum á EM Sport Fleiri fréttir Brást bogalistin fyrir framan pabba sinn Mætti með bikarinn á frumsýningu Happy Gilmore Líkja yfirburðum Schefflers við Tiger upp á sitt besta Vallarmet féllu á frábærum Korpubikar „Heppinn að fá að lifa drauminn“ Scheffler tryggði sér sinn fjórða risatitil Íslenskur dómari í næst síðasta ráshópnum á The Open Scheffler með örugga forystu fyrir lokadaginn Hvítskeggjaði kylfusveinninn stal senunni á Opna breska Vélmennið leiðir Opna breska Reyndi allt til að koma kúlunni niður Veiðimaðurinn leiðir á Opna breska Tvíburar jafnir eftir fyrsta dag á Opna breska Munkur slær í gegn á Opna breska Fimm jafnir á toppnum eftir fyrsta hring „Það hafa allir runnið í gegnum þessa lokunarpósta án vandræða“ Dani og Kínverji leiða á Opna breska Endurnýja kynnin: „Stórar skoðanir en ekki endilega góðar skoðanir“ Dæmdur ofbeldismaður keppir á Opna breska í ár Grænt ljós á golfmótið þrátt fyrir gos Vilja hefja golfmótið á morgun: „Látum þetta ekki á okkur fá“ Hefur ekki hugmynd hvar Ólympíugullið hans er niðurkomið Meistaramót Golfklúbbs Grindavíkur átti að byrja í dag: „Við hinkrum aðeins“ Sá besti í heimi opnar sig: Þetta er ekki fullnægjandi líf Segist hafa farið 47 sinnum holu í höggi á ferlinum „Nýtti reynsluna úr vindinum heima til að halda þolinmæði“ Ragnhildur fyrst Íslendinga til að vinna LET Access mót Hneig niður tvisvar á risamóti í golfi Golflandsliðið í öðru sæti eftir fyrsta hring Ísland í öðru sæti eftir fyrsta keppnisdag á Evrópumótinu Sjá meira
Ólafía Þórunn Kristinsdóttir lauk keppni á Pure Silk Bahama Classic mótinu á Bahamaeyjum í gærkvöldi. Þetta var frumraun hennar á stærsta sviðinu, LPGA mótaröðinni, þeirri sterkustu í heimi. „Ég er mjög sátt. Það var geggjað að ná niðurskurði og vera undir pari á þremur dögum af fjórum,“ sagði Ólafía í samtali við Fréttablaðið í gærkvöldi. Ólafía lauk keppni á fimm höggum undir pari og endaði í 69.-72. sæti af 108 keppendum. Ólafía lék frábært golf fyrstu tvo keppnisdagana og var samtals á sjö höggum undir pari eftir þá. Dagur tvö var sérstaklega góður hjá Ólafíu en þar tapaði hún ekki höggi, lék á fimm höggum undir pari og komst auðveldlega í gegnum niðurskurðinn. En fór frammistaðan fram úr hennar björtustu vonum?Hugsar væntingalaust „Ég myndi ekki segja það. Ég hugsa væntingalaust, þannig stend ég mig best. Ég trúi að ég geti spilað mjög vel en hugsa ekki mikið um það,“ sagði Ólafía. Henni tókst ekki jafn vel upp á þriðja deginum. Þar fékk Ólafía fimm skolla, aðeins einn fugl og tók tvisvar sinnum víti á hringnum. Hún lék þriðja hringinn á samtals fjórum höggum yfir pari.Leið skringilega Ólafía segir að henni hafi liðið undarlega á laugardaginn og hreinlega ekki verið með sjálfri sér. „Dagar eitt, tvö og fjögur voru mjög svipaðir. Það fóru bara fleiri pútt ofan í annan daginn. Þriðji dagurinn var „off-dagur“. Mér leið skringilega og gat ekki einbeitt mér. Mér leið eins og einhverri allt annarri,“ sagði Ólafía sem útilokar ekki að þreyta hafi gert vart við sig. Hún fór í stóra kjálkaaðgerð fyrir jól en það getur tekið nokkrar vikur að jafna sig á henni. „Það gæti verið. Ég var svolítið þreytt. En ég var aðeins frískari í dag og náði að hvílast vel. Ég fór líka til sjúkraþjálfara og fékk nudd,“ sagði Ólafía sem náði sér mun betur á strik í gær. Þar fékk hún fjóra fugla og lék alls á tveimur höggum undir pari.Vinkonan hjálpaði til Mótið á Bahamaeyjum er það stærsta á ferli Ólafíu. Þrátt fyrir það segist hún ekki hafa fundið fyrir stressi úti á vellinum. Það hafi líka hjálpað að vera með vinkonu sinni í ráshóp fyrstu tvo dagana. „Þetta var ótrúlega gaman og ekkert stress. Ég var heppin að vera með Cheyenne Woods í ráshóp, það hjálpaði mér mikið að vera afslöppuð. Það var mjög gaman hjá okkur,“ sagði Ólafía en þær Woods voru saman í Wake Forest-háskólanum í Norður-Karólínu.Ástralía næst á dagskrá Ólafía segir að frammistaðan á mótinu á Bahamaeyjum gefi henni byr undir báða vængi fyrir framhaldið. „Þetta gefur mér meira sjálfstraust og meiri reynslu. Ég held áfram að reyna að bæta mig,“ sagði Ólafía sem ætlar að slappa af á Bahamaeyjum í dag. Síðan tekur við undirbúningur fyrir næsta mót sem fer fram í Adelaide í Ástralíu 16.-19. febrúar. „Ég tek einn aukadag hér og fer svo til Orlando í fimm daga. Ég kem svo til Íslands og nokkrum dögum síðar fer ég til Ástralíu,“ sagði Ólafía sem býst við að undirbúningurinn fyrir mótið í Ástralíu verði svipaður og fyrir mótið um helgina. „Mesta áherslan er á stutta spilið og gæði í slættinum. Ég held að ég sé á réttri leið með æfingarnar.“
Golf Mest lesið Eiginkona Diogo Jota með vasaklútaskilaboð Enski boltinn Segir að Trump hafi stungið gullmedalíu inn á sig Fótbolti Undrabarn Barcelona hefur stækkað um tíu sentimetra Fótbolti Spánverjar í úrslitaleikinn: Bonmatí sýndi af hverju hún er best í heimi Fótbolti Fabregas útilokar ekki að Messi spili fyrir hann hjá Como Fótbolti Freyr ósáttur með dómarann: „Svo slæmt að ég er orðlaus“ Fótbolti Yfirlýsing frá KSÍ: Þrengt að þjóðarleikvanginum Íslenski boltinn Sjáðu Stefán Inga skora fyrstu þrennu Íslendings í næstum því fimm ár Fótbolti Uppgjör: Silkeborg-KA 1-1 | Töfrar Hallgríms tryggðu KA frábær úrslit Fótbolti Gagnrýnd af forsetanum fyrir að vilja sofa hjá strákunum á EM Sport Fleiri fréttir Brást bogalistin fyrir framan pabba sinn Mætti með bikarinn á frumsýningu Happy Gilmore Líkja yfirburðum Schefflers við Tiger upp á sitt besta Vallarmet féllu á frábærum Korpubikar „Heppinn að fá að lifa drauminn“ Scheffler tryggði sér sinn fjórða risatitil Íslenskur dómari í næst síðasta ráshópnum á The Open Scheffler með örugga forystu fyrir lokadaginn Hvítskeggjaði kylfusveinninn stal senunni á Opna breska Vélmennið leiðir Opna breska Reyndi allt til að koma kúlunni niður Veiðimaðurinn leiðir á Opna breska Tvíburar jafnir eftir fyrsta dag á Opna breska Munkur slær í gegn á Opna breska Fimm jafnir á toppnum eftir fyrsta hring „Það hafa allir runnið í gegnum þessa lokunarpósta án vandræða“ Dani og Kínverji leiða á Opna breska Endurnýja kynnin: „Stórar skoðanir en ekki endilega góðar skoðanir“ Dæmdur ofbeldismaður keppir á Opna breska í ár Grænt ljós á golfmótið þrátt fyrir gos Vilja hefja golfmótið á morgun: „Látum þetta ekki á okkur fá“ Hefur ekki hugmynd hvar Ólympíugullið hans er niðurkomið Meistaramót Golfklúbbs Grindavíkur átti að byrja í dag: „Við hinkrum aðeins“ Sá besti í heimi opnar sig: Þetta er ekki fullnægjandi líf Segist hafa farið 47 sinnum holu í höggi á ferlinum „Nýtti reynsluna úr vindinum heima til að halda þolinmæði“ Ragnhildur fyrst Íslendinga til að vinna LET Access mót Hneig niður tvisvar á risamóti í golfi Golflandsliðið í öðru sæti eftir fyrsta hring Ísland í öðru sæti eftir fyrsta keppnisdag á Evrópumótinu Sjá meira