Toppslagur sem á sér engan líkan Eiríkur Stefán Ásgeirsson skrifar 21. desember 2016 06:00 Red Bull Leipzig er ekki vinsælasta liðið í Þýskalandi. vísir/getty Í kvöld fer fram alvöru toppslagur í einni stærstu deild Evrópu – slagur tveggja liða sem hafa stungið af á toppi deildarinnar. En þó að liðin séu jöfn að stigum eru þau afar ólík að nánast öllu leyti. Bayern München og RB Leipzig eigast við í uppgjöri tveggja efstu liða þýsku 1. deildarinnar. Liðin eru jöfn að stigum, hafa aðeins tapað einum leik á tímabilinu og eru með níu stiga forystu á næstu lið. Það verður því gríðarlega mikið undir á hinum glæsilega Allianz-leikvangi í München í kvöld. Til að undirstrika hversu ólík liðin eru þá er þetta í fyrsta sinn í sögunni sem þau mætast. Slíkt er nánast óþekkt í toppslag jafn sterkrar deildar og þýsku 1. deildarinnar, þar sem lítill hópur liða hefur skipst á að vinna þýska meistaratitilinn undanfarna áratugi. Leipzig er nýliði í deildinni. Það er aðeins sjö ára gamalt en það var stofnað af eigendum orkudrykkjarisans Red Bull eftir að hann keypti keppnisrétt SSV Markranstädt í fimmtu efstu deild þýsku deildakeppninnar. Það er skemmst frá því að segja að liðið rauk upp hverja deildina á fætur annarri og eftir aðeins tvö ár í 2. deildinni tryggði það sér þátttökurétt í deild þeirra bestu. Leipzig hóf tímabilið af gríðarlegum krafti og tapaði ekki fyrstu þrettán leikjum sínum, sem er met hjá nýliða og þegar liðið komst í toppsæti deildarinnar eftir elleftu umferð var það í fyrsta sinn síðan í lok ágústmánaðar 1991 að lið frá austurhluta Þýskalands trónir á toppi deildarinnar. Einna helst mætti líkja ævintýri Leipzig við enska liðið Leicester, sem varð öllum að óvörum Englandsmeistari í vor. Það virðist reyndar vera þema í nokkrum deildum Evrópu, eins og sjá má hér til hliðar.graf/fréttablaðiðÞað þarf vart að fjölyrða um sögu Bayern München, sem er langsigursælasta lið Þýskalands og í hópi allra stærstu liða Evrópu. Það er 109 árum eldra en Leipzig og aðeins eitt fjögurra liða Evrópu sem hafa unnið allar þrjár stærstu Evrópukeppnirnar. Bayern hefur þar að auki ekki tapað fyrir nýliða í sextán ár, í alls 25 leikjum. Það ætti að vera öllum ljóst að ekkert lið nær jafn skjótum frama í einni bestu deild Evrópu án þess að hafa djúpa vasa. En Carlo Ancelotti, stjóri Bayern, segir að peningar séu ekki eina ástæðan fyrir velgengni Leipzig. „Þeir hafa náð að byggja upp ungt lið sem býr yfir miklum eldmóði. Peningarnir skipta ekki öllu máli. Það skiptir máli að vera vel skipulagðir og andrúmsloftið innan félagsins þarf að vera rétt. Þessi íþrótt krefst samvinnu og af þessum ástæðum tel ég að Leipzig hafi verið að standa sig virkilega vel,“ sagði hann. Lykilmaður í velgengni Leipzig er íþróttastjórinn Ralf Rangnick, sem á langan feril að baki. „Ralf sagði fyrir nokkrum vikum að það væri allt mögulegt,“ sagði Ralph Hasenhüttl, þjálfari Leipzig. Hann lítur þó á þennan leik sem bónusviðureign og segir að það hafi til að mynda verið mikilvægara að vinna Herthu Berlín, liðið í þriðja sæti deildarinnar. Það tókst og eru nú níu stig á milli liðanna. „Við viljum nýta þennan leik til að sjá hversu langt við erum komnir í að þróa okkar leik. Það þykir okkur afar spennandi. En þessi leikur mun engu breyta um áætlanir okkar fyrir seinni hluta tímabilsins.“ Leikur liðanna hefst klukkan 19.00 og verður í beinni útsendingu á Stöð 2 Sport. Þýski boltinn Mest lesið Heimir svaraði fyrir sig í vinsælum spjallþætti Fótbolti Í lífstíðarbann fyrir tvíburasvindl Sport Liverpool þurfti að hafa fyrir hlutunum gegn botnliðinu Enski boltinn Liðslæknir Barcelona lést óvænt og leik kvöldsins frestað Fótbolti Forest tók stórt skref í átt að Meistaradeild Evrópu Enski boltinn Ronaldo skaut á aðdáanda: Þú ert ljótur og ekkert líkur mér Fótbolti Trúir á Óla Kristjáns og Jesú Krist Íslenski boltinn Síðast hafði Ísland aldrei keppt í Eurovision og Pavel var ekki fæddur Körfubolti Finnur sig vel í hörkunni á Englandi: „Orðinn fullorðinn maður núna“ Enski boltinn Heimir vill Keane meira en alla aðra í sitt landslið Fótbolti Fleiri fréttir Everton ekki tapað í síðustu átta deildarleikjum sínum FH sækir liðsstyrk út fyrir landsteinana Liðslæknir Barcelona lést óvænt og leik kvöldsins frestað Hákon Arnar og félagar með góðan sigur fyrir leikinn mikilvæga gegn Dortmund Villa blandar sér í Meistaradeildarbaráttuna Þórir Jóhann lagði upp í súru tapi gegn AC Milan „Slakir og hægir í fyrri hálfleik“ Sjaldséð tækifæri Sveindísar og Ingibjörg í undanúrslit Jason Daði lagði upp gegn toppliðinu en Benoný haldið á bekknum Liverpool þurfti að hafa fyrir hlutunum gegn botnliðinu Forest tók stórt skref í átt að Meistaradeild Evrópu Heimir vill Keane meira en alla aðra í sitt landslið Ronaldo skaut á aðdáanda: Þú ert ljótur og ekkert líkur mér Heimir svaraði fyrir sig í vinsælum spjallþætti Finnur sig vel í hörkunni á Englandi: „Orðinn fullorðinn maður núna“ Trúir á Óla Kristjáns og Jesú Krist West Ham með dýrara lið en Barcelona og AC Milan Höjlund fékk óvænt hrós þrátt fyrir nítjánda markalausa leikinn í röð Þróttarvöllur hýsir A-landsleiki kvenna í apríl Sex leikja bann fyrir brotið á Mateta Segir að Amorim sé að „drukkna“ hjá United Í skýjunum með að hreppa Þórdísi Hrönn Eini leikurinn var í Íslandsförinni frægu Sjáðu dauðafæri Orra og mörk Man. Utd og Real Sociedad Ekki bara Liverpool þríeykið sem er að renna út á samning Mourinho þóttist sofna á miðjum blaðamannafundi Boltastrákur hjálpaði markverði að verja víti Neuer meiddist við að fagna marki „Vorum virkilega virkilega þreyttir síðasta hálftímann“ Chelsea vann en Tottenham tapaði Sjá meira
Í kvöld fer fram alvöru toppslagur í einni stærstu deild Evrópu – slagur tveggja liða sem hafa stungið af á toppi deildarinnar. En þó að liðin séu jöfn að stigum eru þau afar ólík að nánast öllu leyti. Bayern München og RB Leipzig eigast við í uppgjöri tveggja efstu liða þýsku 1. deildarinnar. Liðin eru jöfn að stigum, hafa aðeins tapað einum leik á tímabilinu og eru með níu stiga forystu á næstu lið. Það verður því gríðarlega mikið undir á hinum glæsilega Allianz-leikvangi í München í kvöld. Til að undirstrika hversu ólík liðin eru þá er þetta í fyrsta sinn í sögunni sem þau mætast. Slíkt er nánast óþekkt í toppslag jafn sterkrar deildar og þýsku 1. deildarinnar, þar sem lítill hópur liða hefur skipst á að vinna þýska meistaratitilinn undanfarna áratugi. Leipzig er nýliði í deildinni. Það er aðeins sjö ára gamalt en það var stofnað af eigendum orkudrykkjarisans Red Bull eftir að hann keypti keppnisrétt SSV Markranstädt í fimmtu efstu deild þýsku deildakeppninnar. Það er skemmst frá því að segja að liðið rauk upp hverja deildina á fætur annarri og eftir aðeins tvö ár í 2. deildinni tryggði það sér þátttökurétt í deild þeirra bestu. Leipzig hóf tímabilið af gríðarlegum krafti og tapaði ekki fyrstu þrettán leikjum sínum, sem er met hjá nýliða og þegar liðið komst í toppsæti deildarinnar eftir elleftu umferð var það í fyrsta sinn síðan í lok ágústmánaðar 1991 að lið frá austurhluta Þýskalands trónir á toppi deildarinnar. Einna helst mætti líkja ævintýri Leipzig við enska liðið Leicester, sem varð öllum að óvörum Englandsmeistari í vor. Það virðist reyndar vera þema í nokkrum deildum Evrópu, eins og sjá má hér til hliðar.graf/fréttablaðiðÞað þarf vart að fjölyrða um sögu Bayern München, sem er langsigursælasta lið Þýskalands og í hópi allra stærstu liða Evrópu. Það er 109 árum eldra en Leipzig og aðeins eitt fjögurra liða Evrópu sem hafa unnið allar þrjár stærstu Evrópukeppnirnar. Bayern hefur þar að auki ekki tapað fyrir nýliða í sextán ár, í alls 25 leikjum. Það ætti að vera öllum ljóst að ekkert lið nær jafn skjótum frama í einni bestu deild Evrópu án þess að hafa djúpa vasa. En Carlo Ancelotti, stjóri Bayern, segir að peningar séu ekki eina ástæðan fyrir velgengni Leipzig. „Þeir hafa náð að byggja upp ungt lið sem býr yfir miklum eldmóði. Peningarnir skipta ekki öllu máli. Það skiptir máli að vera vel skipulagðir og andrúmsloftið innan félagsins þarf að vera rétt. Þessi íþrótt krefst samvinnu og af þessum ástæðum tel ég að Leipzig hafi verið að standa sig virkilega vel,“ sagði hann. Lykilmaður í velgengni Leipzig er íþróttastjórinn Ralf Rangnick, sem á langan feril að baki. „Ralf sagði fyrir nokkrum vikum að það væri allt mögulegt,“ sagði Ralph Hasenhüttl, þjálfari Leipzig. Hann lítur þó á þennan leik sem bónusviðureign og segir að það hafi til að mynda verið mikilvægara að vinna Herthu Berlín, liðið í þriðja sæti deildarinnar. Það tókst og eru nú níu stig á milli liðanna. „Við viljum nýta þennan leik til að sjá hversu langt við erum komnir í að þróa okkar leik. Það þykir okkur afar spennandi. En þessi leikur mun engu breyta um áætlanir okkar fyrir seinni hluta tímabilsins.“ Leikur liðanna hefst klukkan 19.00 og verður í beinni útsendingu á Stöð 2 Sport.
Þýski boltinn Mest lesið Heimir svaraði fyrir sig í vinsælum spjallþætti Fótbolti Í lífstíðarbann fyrir tvíburasvindl Sport Liverpool þurfti að hafa fyrir hlutunum gegn botnliðinu Enski boltinn Liðslæknir Barcelona lést óvænt og leik kvöldsins frestað Fótbolti Forest tók stórt skref í átt að Meistaradeild Evrópu Enski boltinn Ronaldo skaut á aðdáanda: Þú ert ljótur og ekkert líkur mér Fótbolti Trúir á Óla Kristjáns og Jesú Krist Íslenski boltinn Síðast hafði Ísland aldrei keppt í Eurovision og Pavel var ekki fæddur Körfubolti Finnur sig vel í hörkunni á Englandi: „Orðinn fullorðinn maður núna“ Enski boltinn Heimir vill Keane meira en alla aðra í sitt landslið Fótbolti Fleiri fréttir Everton ekki tapað í síðustu átta deildarleikjum sínum FH sækir liðsstyrk út fyrir landsteinana Liðslæknir Barcelona lést óvænt og leik kvöldsins frestað Hákon Arnar og félagar með góðan sigur fyrir leikinn mikilvæga gegn Dortmund Villa blandar sér í Meistaradeildarbaráttuna Þórir Jóhann lagði upp í súru tapi gegn AC Milan „Slakir og hægir í fyrri hálfleik“ Sjaldséð tækifæri Sveindísar og Ingibjörg í undanúrslit Jason Daði lagði upp gegn toppliðinu en Benoný haldið á bekknum Liverpool þurfti að hafa fyrir hlutunum gegn botnliðinu Forest tók stórt skref í átt að Meistaradeild Evrópu Heimir vill Keane meira en alla aðra í sitt landslið Ronaldo skaut á aðdáanda: Þú ert ljótur og ekkert líkur mér Heimir svaraði fyrir sig í vinsælum spjallþætti Finnur sig vel í hörkunni á Englandi: „Orðinn fullorðinn maður núna“ Trúir á Óla Kristjáns og Jesú Krist West Ham með dýrara lið en Barcelona og AC Milan Höjlund fékk óvænt hrós þrátt fyrir nítjánda markalausa leikinn í röð Þróttarvöllur hýsir A-landsleiki kvenna í apríl Sex leikja bann fyrir brotið á Mateta Segir að Amorim sé að „drukkna“ hjá United Í skýjunum með að hreppa Þórdísi Hrönn Eini leikurinn var í Íslandsförinni frægu Sjáðu dauðafæri Orra og mörk Man. Utd og Real Sociedad Ekki bara Liverpool þríeykið sem er að renna út á samning Mourinho þóttist sofna á miðjum blaðamannafundi Boltastrákur hjálpaði markverði að verja víti Neuer meiddist við að fagna marki „Vorum virkilega virkilega þreyttir síðasta hálftímann“ Chelsea vann en Tottenham tapaði Sjá meira