Manchester United dróst gegn franska liðinu Saint-Étienne í 32-liða úrslitum Evrópudeildarinnar.
Paul Pogba, leikmaður Man Utd og dýrasti fótboltamaður allra tíma, mætir þar bróður sínum.
Sá heitir Florentin Pogba og hefur spilað með Saint-Étienne frá árinu 2012.
Florentin er 26 ára, þremur árum eldri en Paul. Florentin er tvíburi en tvíburabróðir hans, Mathias, spilar með Spörtu í Rotterdam.
Florentin fæddist í Conakry, höfuðborg Gíneu, í ágúst 1990 en Pogba fjölskyldan fluttist til Frakklands þegar Florentin og Mathias voru átta mánaða gamlir.
Florentin, sem er varnarmaður, leikur með landsliði Gíneu en ekki Frakklands eins og Paul.
Pogba mætir bróður sínum í Evrópudeildinni
Tengdar fréttir
United fer á slóðir strákanna okkar í Evrópudeildinni
Manchester United fer til Frakklands í 32 liða úrslitum Evrópudeildarinnar en Tottenham mætir liði frá Belgíu.
