Katrín Jakobsdóttir, formaður Vinstri grænna, er á leið til Bessastaða þar sem hún mun hitta Guðna Th. Jóhannesson, forseta Íslands, klukkan tíu. Katrín hefur haft stjórnarmyndunarumboðið í rúma viku en sleit viðræðum Vinstri grænna, Bjartrar framtíðar, Pírata, Viðreisnar og Samfylkingarinnar fyrr í vikunni.
Talið er að Katrín sé á leið á Bessastaði til að skila stjórnarmyndunarumboðinu en hún hitti félaga sína í þingflokki Vinstri grænna í þinghúsinu klukkan níu í morgun. Þó er erfitt að fullyrða um það, hún gæti einnig greint Guðna frá stöðu mála og mögulega fengið að halda umboðinu gegn því sannfæra hann um mögulegar viðræður við aðra flokka sem gætu gengið upp.
Katrín fékk umboðið frá Guðna Th. fyrir 9 dögum.
Bein útsending frá Bessastöðum hefst hér á Vísi klukkan 10.
Forsetinn sendi frá sér eftirfarandi fréttatilkynningu vegna fundarins:
Forseti Íslands Guðni Th. Jóhannesson mun í dag, föstudaginn 25. nóvember 2016, eiga fund með Katrínu Jakobsdóttur, formanni Vinstri hreyfingarinnar – græns framboðs. Fundur þeirra hefst kl. 10:00 á
Bessastöðum. Forseti mun síðan ræða við fjölmiðla á Bessastöðum kl. 11:00.
Katrín á leið til Bessastaða
Tengdar fréttir
Leiðir Katrínar lokaðar
Útilokað er að Katrín Jakobsdóttir nái að mynda fimm flokka ríkisstjórn með Framsóknarflokki í stað Viðreisnar ef marka má orð þingmanns Pírata.
Ætla ekki að fjarlægja sig Viðreisn
"Maður er eiginlega þessa dagana kominn í það að taka því sem kemur upp, þetta er þannig ástand.“
Lilja um stjórnarmyndunarviðræður: Teljum þriggja flokka stjórn betri
"Það sem er að gerast akkúrat núna er að allir flokkar eru að tala saman.“
