Skólahald fellur niður vegna veðurs í Húnavallaskóla í Húnavatnshreppi í dag sem og í Stórutjarnaskóla í Þingeyjarsveit.
Þá fellur skólaakstur niður í Fjallabyggð að því er fram kemur á vef grunnskóla Fjallabyggðar en þó verður hægt að mæta í skólann. Nemendur í 5.-10. bekk sem búsettir eru á Ólafsfirði mæta í skólahúsið við Tjarnarstíg og nemendur í 5.-10. bekk sem búsettir eru á Siglufirði mæta í skólahúsið við Norðurgötu.
„Kennarar munu taka á móti nemendum frá klukkan átta og aðstoða þá við nám til klukkan 13.00 Foreldrar þurfa undir öllum kringumstæðum að meta hvort barn á erindi í skólann. Aðstæður fólks eru ólíkar og börnin misjafnlega í stakk búin til að fara út í vont veður,“ segir á vef grunnskóla Fjallabyggðar.
Skólahald fellur niður vegna veðurs
Tengdar fréttir
Stórhríð og stormur í kortunum: „Fyrsta alvöru norðanátt vetrarins“
Gera má ráð fyrir stórhríð á Norður-og Austurlandi í dag þar sem saman mun fara samfelld snjókoma og mikill vindur, að því er segir í hugleiðingum veðurfræðings á vef Veðurstofunnar.
