Kosningahelgin frá A til Ö: Ítarleg umfjöllun á fréttastofu 365

Klukkan níu í fyrramálið, laugardaginn 29. október, opna flestir kjörstaðir landsins og landsmenn geta gengið til kosninga. Um leið fer í hönd mikil fréttahelgi þar sem fréttastofa 365 mun leggja sig alla fram um að koma helstu fregnum af gangi mála í kosningunum til lesenda, áhorfenda og áheyrenda sinna.

Að neðan má sjá nokkrar vörður í dagskrá fréttastofunnar svo landsmenn viti nákvæmlega hvar, hvenær og hvernig þeir geta fylgst með gangi mála.

Kosningavaktin á Vísi hefst snemma í fyrramálið og verða fréttamenn á vöktum á vefnum allan sólarhringinn, alla helgina. Teknir verða snúningar á öllum helstu málum sem koma upp, kjörtölur settar fram um leið og þær berast og fylgst með stöðunni út um allt land.

Landsmenn eru sem fyrr hvattir til að senda ábendingar og myndir frá kosningahelginni á ritstjorn@visir.is eða í skilaboðum á Facebook-síðu Vísis.

Að nýta kjörseðilinn til fullnustu

Í Fréttablaðinu á morgun er fréttaskýring um hvernig er hægt að hámarka nýtni kjörseðilins með nákvæmum leiðbeiningum fyrir kjósendur. Einnig eru kjördagar og kjörsókn á Íslandi skoðuð í sögulegu ljósi og stefna flokkanna er útskýrð á gamansaman hátt fyrir þá sem hafa engan áhuga á kosningum.

Á laugardagskvöldið verður Logi Bergmann með Risastóra kosningaþáttinn þar sem skemmtilegur snúningur verður tekinn á kosningunum. Þegar kjörstöðum lokar klukkan 22 tekur fréttastofan við keflinu af Loga. Telma Tómasdóttir og Heimir Már Pétursson verða í aðalhlutverkum ásamt fréttamönnum Stöðvar 2 sem flakka á milli kosningavaka flokkanna og taka viðtöl við helstu persónur og leikendur kosninganna.

Kynningu á Risastóra kosningaþættinum má sjá í spilaranum að neðan.

Öll kosningaumfjöllun á Stöð 2 um helgina er í opinni dagskrá og einnig á Vísi. Þá munu allar upptökur verða um leið aðgengilegar á Vísi.

Laugardagur

06:00 Fréttablaðið borið út

07:00 Kosningavaktin hefst á Vísi

09:00 Kjörstaðir opna

10:00 Útvarpsfréttir á Bylgjunni

12:00 Aukafréttatími Stöðvar 2

15:00 Útvarpsfréttir á Bylgjunni

17:00 Útvarpsfréttir á Bylgjunni

18:30 Kvöldfréttir Stöðvar 2

20:45 Stóri kosningaþátturinn með Loga Bergmann á Stöð 2

22:00 Kjörstaðir loka. Fyrstu tölur berast í hús. Fréttastofa tekur við kosningaþættinum

Sunnudagur

10:00 Útvarpsfréttir á Bylgjunni

10:05 Sprengisandur á Bylgjunni (bein sjónvarpsútsending á Vísi)

12:00 Aukafréttatími Stöðvar 2 og umræðuþáttur í stjórn Heimis Más

15:00 Útvarpsfréttir á Bylgjunni

17:00 Útvarpsfréttir á Bylgjunni

18:30 Kvöldfréttir Stöðvar 2

24:00 Kosningavaktinni lýkur á Vísi

Mánudagur

06:00 Fréttablaðið borið út. Kosningahelgin gerð upp.