Kolbeinn ekki í hópnum en Björn Bergmann snýr aftur

Heimir Hallgrímsson, landsliðsþjálfari í fótbolta, tilkynnti í dag hópinn sem mætir Finnum og Tyrkjum í undankeppni HM 2018 á blaðamannafundi í höfuðstöðvum KSÍ í dag.

Ísland á tvo heimaleiki í næstu viku. Fyrst mæta strákarnir okkar Finnlandi á fimmtudaginn og annan sunnudag er leikur gegn Tyrklandi sem Ísland vann, 3-0, hér heima í síðustu undankeppni.

Kolbeinn Sigþórsson verður ekki með íslenska liðinu í leikjunum mikilvægu vegna meiðsla en hann meiddist rétt fyrir leikinn gegn Úkraínu í síðasta mánuði og hefur ekki jafnað sig.

Stóru tíðindin eru þau að Björn Bergmann Sigurðarson snýr aftur í hópinn eftir nokkurra ára fjarveru. Hann kemur inn í hópinn fyrir Kolbein en Björn hefur spilað vel með Molde að undanförnu. Þjálfararnir völdu 24 manna hóp að þessu sinni en vegna meiðsla í er Ólafur Ingi Skúlason einnig í hópnum.

Ísland er með eitt stig í riðlinum eftir jafntefli á útivelli gegn Úkraínu í síðasta leik en öll liðin í riðlinum eru með eitt stig.

Hópurinn:

Hannes Þór Halldórsson, Randers

Ögmundur Kristinsson, Hammarby

Ingvar Jónsson, Sandefjord

Varnarmenn:

Birkir Már Sævarsson, Hammarby

Ragnar Sigurðsson, Krasnodar

Kári Árnason, Malmö

Ari Freyr Skúlason, Lokeren

Sverrir Ingi Ingason, Lokeren

Haukur Heiðar Hauksson, AIK

Hörður Björgvin Magnússon, Bristol City

Hólmar Örn Eyjólfsson, Rosenborg

Miðjumenn:

Aron Einar Gunnarsson, Cardiff City

Emil Hallfreðsson, Udinese

Birkir Bjarnason, Basel

Jóhann Berg Guðmundsson, Burnley

Gylfi Þór Sigurðsson, Swansea

Theodór Elmar Bjarnason, AGF

Rúnar Már Sigurjónsson, Grasshopper

Arnór Ingvi Traustason, Rapíd Vín

Ólafur Ingi Skúlason, Karabükspor

Sóknarmenn:

Björn Bergmann Sigurðarson, Molde

Alfreð Finnbogason, Augsburg

Jón Daði Böðvarsson, Wolves

Viðar Örn Kjartansson, Maccabi Tel Aviv