Spánn burstaði Liechtenstein | Kósóvó náði í sitt fyrsta stig

Átta leikjum er nýlokið í undankeppni HM í Rússlandi 2018, en Spánn og Ítalía unnu sína leiki í kvöld. Kósóvó spilaði sinn fyrsta mótsleik og gerði jafntefli við Finnland í Finnlandi.

Wales, sem gerði frábæra hluti á EM í sumar, lagði Moldóva nokkuð auðveldlega, en Sam Vokes og Joe Allen komu þeim í 2-0 í hálfleik. Gareth Bale gerði þriðja og fjórða markið og lokatölur 4-0.

Serbía og Írland gerðu 2-2 jafntefli í Serbíu. Írland komst yfir, en Serbía skoraði svo mörk á sjö mínútna kafla og komst yfir. Daryl Murphy bjargaði stigi fyrir Írland á 80. mínútu.

Spánn skoraði einungis eitt mark í fyrri hálfleik gegn Liechtenstein, en í síðari hálfleik urðu mörkin sjö talsins og lokatölur auðveldur 8-0 sigur Spánverja.

Í riðli okkar Íslendinga gerðu öll liðin jafntefli. Finnland og Kósóvó gerðu jafntefli í fyrsta opinbera leik Kósóvó., en meira má lesa um leiki Króatíu og Tyrklands og Ísland og Úkraínu hér að neðan.

Úrslit kvöldsins:

D-riðill:

Serbía - Írland 2-2

0-1 Jeff Hendrick (3.), 1-1 Filip Kostic (62.), 2-1 Dusan Tadic (69.), 2-2 Daryl Murphy (80.).  

Wales - Moldóvía 4-0

1-0 Sam Vokes (38.), 2-0 Joe Allen (44.). 3-0 Gareth Bale (51.), 4-0 Gareth Bale - víti (90.).

G-riðill:

Albanía - Makedónía 1-1

1-0 Armando Sadiku (10.), 1-1 Ezgjan Alioski (51.).

Leikurinn var flautaður af vegna mikillar rigningar.

Ísrael - Ítalía 1-3

0-1 Graziano Pelle (14.), 0-2 Antonio Candreva - víti (31.), 1-2 Tal Ben Chaim (35.), 1-3 Ciro Immobile (83.).

Rautt spjald: Giorgio Chiellini (55.).

Spánn - Liechtenstein 8-0

1-0 Diego Costa (10.), 2-0 Sergi Roberto (55), 3-0 David Silva (59.), 4-0 Vitolo (60.), 5-0 Diego Costa (66.), 6-0 Alvaro Morata (82.), 7-0 Alvaro Morata (83.), 8-0 David Silva (90.).  

I-riðill:

Króatía - Tyrkland 1-1

1-0 Ivan Rakitic - víti (44.), 1-1 Hakan Calhanoglu (45.).  

Finnland - Kósóvó 1-1

1-0 Paulus Arajuuri (18.), 1-1 Valon Berisha - víti (60.).

Úkraína - Ísland 1-1

0-1 Alfreð Finnbogason (6.), 1-1 Andriy Yarmolenko (41.).