Rúnar Alex Rúnarsson, markvörður Nordsjælland, var valinn í lið 7. umferðar dönsku úrvalsdeildarinnar hjá Tipsbladet.
Rúnar Alex hélt marki sínu hreinu þegar Nordsjælland sótti sigur til Lyngby á föstudaginn var.
Rúnar Alex hefur spilað alla sjö leiki Nordsjælland á tímabilinu og haldið hreinu í tveimur þeirra en það eru einmitt einu sigurleikir liðsins í dönsku deildinni. Nordsjælland er í 11. sæti deildarinnar með sjö stig.
Rúnar Alex kom til Nordsjælland frá KR fyrir tveimur árum og virðist núna vera búinn að festa sig í sessi sem aðalmarkvörður liðsins.
Rúnar Alex er einnig aðalmarkvörður U-21 árs landsliðsins sem mætir N-Írlandi og Frakklandi í undankeppni EM 2017 á næstu dögum.
Rúnar Alex hefur alls leikið 13 leiki fyrir U-21 árs landsliðið.
Rúnar Alex í liði umferðarinnar
Tengdar fréttir
Óttar Magnús og Albert fá tækifæri með U-21 árs landsliðinu
Eyjólfur Sverrisson, þjálfari U-21 árs landsliðs karla í fótbolta, hefur valið leikmannahópinn fyrir leikina gegn N-Írlandi og Frakklandi í undankeppni EM 2017.
