Nýjar veiðitölur úr Veiðivötnum

Veiðivötn fara mjög vel af stað og það er mikill munur á því hvernig veiðin er núna miðað við í fyrra.

Það sést ágætlega þegar veiðitölur eru skoðaðar að það er að veiðast vel á vatnasvæðinu betur þekkt sem Veiðivötn.  Alls veiddist 24361 fiskur í Veiðivötnum. Þar af fengust 5820 fiskar í net og 18541 fiskur á stöng. Á stangveiðitímanum veiddust 17970 fiskar, 7671 urriði og 10299 bleikjur og 571 fiskur veiddist á stöng á netaveiðitímanum. Bleikja var uppistaðan í veiðinni í Nýjavatni, Langavatni og Snjóölduvatni og því er eins farið núna það sem ef er sumri.

Fram til dagsins í gær hafa veiðst 9.015 fiskar sem er rétt um 50% af heildarveiðinni í fyrra, þ.e.a.s. á stöng.  Alls eru þetta 3.095 urriðar og 5.920 bleikjur.  Topp fimm vötnin eru Snjóölduvatn en þar hafa veiðst 2.769 fiskar, Litli Sjór með 1.567 fiska, Nýja Vatn með 1.540 fiska, Langavatn með 785 fiska og Hraunvötn með 459 fiska.  Veiði á flugu er alltaf að aukast og dæmi eru um að veiðimenn séu eingöngu með flugu og veiði mun meira en þeir sem noti beitu og virðist þetta sérstaklega eiga við í þeim vötnum þar sem mest veiðist af bleikju.