Hallgrímur Jónasson er á leið til Lyngby frá OB. Þetta kemur fram á Fótbolta.net.
Hallgrímur, sem er þrítugur, hefur leikið í Danmörku frá árinu 2011, fyrst með SönderjyskE og svo síðasta árið með OB.
Lyngby er nýliði í dönsku úrvalsdeildinni en liðið vann B-deildina á síðasta tímabili.
Hallgrímur lék alla 33 leiki OB á síðasta tímabili en liðið endaði í 7. sæti dönsku deildarinnar.
Flest bendir til þess að báðir Íslendingarnir í herbúðum OB séu á förum frá félaginu en Ari Freyr Skúlason er væntanlega að ganga í raðir Lokeren í Belgíu.
Hallgrímur á leið til nýliðanna
