Fótbolti

Nani til Valencia

Ingvi Þór Sæmundsson skrifar
Nani hefur skorað tvö mörk á EM, annað þeirra kom á móti Íslandi.
Nani hefur skorað tvö mörk á EM, annað þeirra kom á móti Íslandi. vísir/epa
Portúgalski landsliðsmaðurinn Nani hefur skrifað undir þriggja ára samning við Valencia á Spáni.

Talið er að Valencia hafi greitt Fenerbache rúmar sjö milljónir punda fyrir hinn 29 ára gamla Nani sem var lengi í herbúðum Manchester United.

Nani er nú staddur í Frakklandi með portúgalska landsliðinu sem mætir því velska í undanúrslitum á EM 2016 í Lyon annað kvöld. Nani hefur skorað tvö mörk og átt eina stoðsendingu í fimm leikjum á EM.

Nani skoraði 12 mörk í 46 leikjum fyrir Fenerbache á síðasta tímabili en tímabilið þar á undan lék hann með uppeldisfélaginu Sporting frá Lissabon.

Nani hefur skorað 20 mörk í 101 landsleik fyrir Portúgal.

Spænski boltinn

Mest lesið


Fleiri fréttir

Sjá meira


×

Mest lesið