Ragnar Sigurðsson, miðvörður íslenska landsliðsins í fótbolta, varð þrítugur í gær og fagnaði því með bæjarrölti í Annecy en strákarnir okkar fengu smá frí eftir leikinn gegn Ungverjalandi í gær.
Sjá einnig:Sjáðu blaðamannafund strákanna í heild sinni
„Ég gerði ekkert sérstakt. Það var gaman að fá allar afmælisóskirnar þó það sé smá skellur að vera orðinn þrítugur,“ sagði Ragnar brosandi á blaðamannafundi íslenska liðsins í dag.
Ragnar nýtti frídaginn til að komast aðeins út af hótelinu en hann fór niður í bæ með tveimur félögum sínum úr íslenska liðinu.
„Við vorum í smá fríi í gær þannig ég fór með Kára og Emma [Theodór Elmari] niður í bæ að rölta um og fá okkur kaffi. Svo fórum við út að borða þannig við sluppum við hótelmatinn svona einu sinni,“ sagði Ragnar.
Aðspurður hvort hann hefði fengið kökusneið á þessum merka degi var svarið einfalt: „Nei.“
Ekki missa af neinu sem gerist á EM í Frakklandi. Vísir er með hóp fjölmiðlamanna á mótinu sem færa ykkur allar nýjustu fréttirnar af strákunum okkar. Fylgdu okkur á Facebook, Twitter og Snapchat (sport365).
Ragnar fékk enga afmælisköku en slapp við hótelmatinn
Tengdar fréttir
Heimir bjartsýnn á þátttöku Arons í París
Aron Einar Gunnarsson var í góðu lagi í morgun að sögn landsliðsþjálfarans.
Ragnar um Zlatan: Ég ræð við hvaða leikmann sem er
Ragnar Sigurðsson segir að Ísland ætli ekki að breyta um stíl fyrir einstaka leikmenn.
Ragnar: Myndi fagna því ef fólk mætti snemma á leikinn í París
Strákarnir okkar í karlalandsliðinu í knattspyrnu eru hæstánægðir með stuðningsmenn okkar.
Ari Freyr: Þetta fannst mér vitlaus spurning
"Þú þekkir okkur alveg,“ sagði Ari Freyr Skúlason við spurningu á blaðamannafundi íslenska liðsins í morgun.
Raggi Sig: Hugsa um rassgatið á sjálfum mér þegar keppnin er búin
Ragnar Sigurðsson segir það sé undir öðrum komið að opna fyrir sig dyr til að komast lengra á ferlinum.
Hamingjan breyttist í ógleði á einu augabragði í Marseille
Ísland gerði sárgrætilegt jafntefli við Ungverjaland í Marseille á laugardag en jöfnunarmarkið kom undir lok leiksins og var sjálfsmark Birkis Más Sævarssonar. "Ég tek þetta bara á mig,“ sagði Birkir Már.
Heimir: Vitum að við eigum helling inni
"Menn taka eitt lítið feilspor. Það eru engar áhyggjur í sambandi við varnarleikinn okkar, alls ekki,“ segir Heimir Hallgrímsson.
Heimir um ummæli Löw: Við viljum ekki vera léleg eftirlíking af Spáni
"Ef að allir myndu spila eins myndu þeir sem eru með bestu einstaklingana allta vinna.“
Eiður Smári: Vil ekki að þetta hætti
"Þetta er eins og að fara í Disneyland í fyrsta skipti,“ sagði Eiður Smári Guðjohnsen um upplifun sína af EM í Frakklandi til þessa.
