Svona fjölgum við fólki Pawel Bartoszek skrifar 11. júní 2016 07:00 Það fæðast færri börn. Sumir hafa af því áhyggjur. En ástæður minnkandi fæðingartíðni eru þekktar. Til að snúa þróuninni við þarf að tækla þær ástæður. Ástæða 1: Lífeyriskerfi. Fólk eignast ekki lengur tylft barna því það getur treyst á annars konar öryggisnet í elli. Lausn: Hætta öllum stuðningi við eldra fólk. Lífeyrissjóðina þarf að leysa upp og þjóðnýta. Hirða þarf sparifé af fólki með handahófskenndum gengisfellingum. Ef fólk eignast eigið húsnæði þarf ríkið að finna leiðir til að taka það til sín. Þetta mun kenna fólki. Ástæða 2: Menntun. Þekkt er að menntun, sérstaklega menntun kvenna, dregur úr fólksfjölgun. Fólk sem hyggur á eigin frama mun hafa minni tíma til að eignast börn. Lausn: Það þarf að fækka menntuðu fólki og fækka störfum fyrir menntað fólk. Setja kvóta inn í háskólanám og finna leiðir til að letja konur til að mennta sig. Ástæða 3: Sjónvarp og internet. Tilkoma sjónvarps gerði meira til að hægja á fólksfjölgun en nokkur opinber aðgerð. Það sést best á því að Íslendingar fjölguðu sér meira en aðrir V-Evrópubúar, því við höfðum svo lélegt sjónvarp. Netið hefur auðvitað sömu áhrif. Lausn: Banna sjónvarpsútsendingar á sumrin og á fimmtudögum. Skrúfa fyrir netið á sama tíma. Minna nethangs = meira kynlíf = fleiri börn. Eða ekki. Þeir hvatar sem ráða því hvort fólk eignast börn eru of sterkir til að einhverjar smávægilegar opinberar aðgerðir breyti nokkru þar um. Við þurfum að sætta okkur við þetta. Hægari fólksfjölgun er einfaldlega óhjákvæmileg afleiðing aukinnar velmegunar.Þessi grein birtist fyrst í Fréttablaðinu. Viltu birta grein á Vísi? Sendu okkur póst. Senda grein Pawel Bartoszek Mest lesið Er þetta virkilega svarið frá Þjóðkirkjunni? – þegar barn þarf að flýja úr helgidóm Hilmar Kristinsson Skoðun Glerbrotin í ryksugupokanum Kristín Kolbrún Waage Kolbeinsdóttir Skoðun Túrverkir og hitakóf – má ræða það í vinnunni? Já endilega! Katrín Björg Ríkarðsdóttir Skoðun Draghi-skýrslan og veikleikar Íslands Pawel Bartoszek Skoðun Stóriðjutíminn á Íslandi er að renna sitt skeið Guðmundur Franklin Jónsson Skoðun Kína mun ekki bjarga Vesturlöndum að þessu sinni Sæþór Randalsson Skoðun Nokkur orð um sérlausn í flugi Birna Sigrún Hallsdóttir,Hrafnhildur Bragadóttir Skoðun Hvernig léttum við daglega lífið þitt? Einar Geir Þorsteinsson Skoðun Fyrirmyndar forvarnarstefna í Mosfellsbæ Kjartan Helgi Ólafsson Skoðun Átta mýtur klesstar inn í raunveruleikann - hvað er satt og hvað er logið um gervigreindina? Sigvaldi Einarsson Skoðun
Það fæðast færri börn. Sumir hafa af því áhyggjur. En ástæður minnkandi fæðingartíðni eru þekktar. Til að snúa þróuninni við þarf að tækla þær ástæður. Ástæða 1: Lífeyriskerfi. Fólk eignast ekki lengur tylft barna því það getur treyst á annars konar öryggisnet í elli. Lausn: Hætta öllum stuðningi við eldra fólk. Lífeyrissjóðina þarf að leysa upp og þjóðnýta. Hirða þarf sparifé af fólki með handahófskenndum gengisfellingum. Ef fólk eignast eigið húsnæði þarf ríkið að finna leiðir til að taka það til sín. Þetta mun kenna fólki. Ástæða 2: Menntun. Þekkt er að menntun, sérstaklega menntun kvenna, dregur úr fólksfjölgun. Fólk sem hyggur á eigin frama mun hafa minni tíma til að eignast börn. Lausn: Það þarf að fækka menntuðu fólki og fækka störfum fyrir menntað fólk. Setja kvóta inn í háskólanám og finna leiðir til að letja konur til að mennta sig. Ástæða 3: Sjónvarp og internet. Tilkoma sjónvarps gerði meira til að hægja á fólksfjölgun en nokkur opinber aðgerð. Það sést best á því að Íslendingar fjölguðu sér meira en aðrir V-Evrópubúar, því við höfðum svo lélegt sjónvarp. Netið hefur auðvitað sömu áhrif. Lausn: Banna sjónvarpsútsendingar á sumrin og á fimmtudögum. Skrúfa fyrir netið á sama tíma. Minna nethangs = meira kynlíf = fleiri börn. Eða ekki. Þeir hvatar sem ráða því hvort fólk eignast börn eru of sterkir til að einhverjar smávægilegar opinberar aðgerðir breyti nokkru þar um. Við þurfum að sætta okkur við þetta. Hægari fólksfjölgun er einfaldlega óhjákvæmileg afleiðing aukinnar velmegunar.Þessi grein birtist fyrst í Fréttablaðinu.
Er þetta virkilega svarið frá Þjóðkirkjunni? – þegar barn þarf að flýja úr helgidóm Hilmar Kristinsson Skoðun
Átta mýtur klesstar inn í raunveruleikann - hvað er satt og hvað er logið um gervigreindina? Sigvaldi Einarsson Skoðun
Er þetta virkilega svarið frá Þjóðkirkjunni? – þegar barn þarf að flýja úr helgidóm Hilmar Kristinsson Skoðun
Átta mýtur klesstar inn í raunveruleikann - hvað er satt og hvað er logið um gervigreindina? Sigvaldi Einarsson Skoðun