Einsi kaldi tekinn á teppið af eigendum hótelsins í Frakklandi Kolbeinn Tumi Daðason skrifar 13. júní 2016 13:30 Ábyrgðin er mikil á herðum Einars Björns Árnasonar sem eru öllu þekktari sem Einsi kaldi. Eyjapeyinn stýrir gangi mála í matarmálum hjá karlalandsliðinu í knattspyrnu á Evrópumótinu í Frakklandi. Blaðamaður fékk að kíkja í heimsókn til Einars og Frakkanna sem eru honum til aðstoðar í eldhúsinu á hóteli landsliðsins í Annecy. „Ég er hérna 24/7. Ég átti reyndar bara að sjá um hádegið og kvöldið en strákarnir eru svo kröfuharðir að ég er hérna allan sólarhringinn,“ segir Einsi. Hann skemmtir sér konunglega enda starfið fjölbreytilegt. Mesta fjörið hafi verið í byrjun enda allt annað en auðvelt að koma inn í nýjan menningarheim. Einsi segist hafa byrjað dvölina úti á fundi með starfsmönnum og svo stimplað sig inn með kröftugleika og vinnusemi. Þannig hafi hann öðlast virðingu Frakkanna sem tala svo til enga ensku að frátaldi Mathilde, frönskum kokki sem miðlar málum. „Hún reddar mér alveg,“ segir Einsi.Taka allir vel til matar síns Einsi segir hafa lagt upp matseðilinn strax í haust og gert um leið þá kröfu að pantaður yrði íslenskur fiskur af mörkuðum í Frakklandi. „Ég held að strákarnir séu ægilega ánægðir með þetta allt saman,“ segir Einsi. Strákarnir séu samt duglegir að koma með punkta um hvað þeir vilja. Því sé þá reddað. Annars taka þeir allir vel til matar síns. „Þeir eru rosalega duglegir að borða og það er gaman að elda ofan í þá. Sumir eru rosalega mikið fyrir grænmeti og snerta ekki fiskinn á meðan aðrir eru sjúkir í fiskinn, eru kannski ekki vanir að fá svona flotta fiskrétti,“ segir Einsi. Hann hefur eldað ofan í knattspyrnufólk á öllum aldri undanfarin ár en hann er fastagestur á Shellmótinu og Pæjumótinu í Eyjum. „Ég er örugglega búinn að elda fyrir einhverja þessara stráka á Shellmóti,“ segir Einsi. Hann hafi eldað fyrir ÍBV í mörg ár, þegar Heimir Hallgrímsson, Eyjapeyi og landsliðsþjálfari, var með liðið. „Þannig að ég held nú alveg að ég viti hvað ég er að gera.“Vel fer á með Einsa kalda og Frökkunum sem eru vafalítið búnir að læra mikið af kokknum úr Vestmannaeyjum.Maturinn verður að vera fjölbreyttur Aðstæður í eldhúsinu í Annecy eru fínar enda hefði Einsi ekki hleypt okkur þangað eins og hann kemst sjálfur að orði. Hann passi upp á allt hráefni þar sem finna má önd, lamb, kjúkling og fleira en allajafna geta strákarnir valið úr þremur til fimm réttum. „Það er bara þannig. Ég ætla ekki að fá neinn stimpil á mig að hafa ekki staðið mig í þessari ferð. Ég ætla að skilja við þá þannig að þeir vilji bara Einsa Kalda í framtíðinni.“ Gangi íslenska liðinu illa á mótinu verði ekki hægt að kenna matnum um. „Það er ekki séns. Þetta snýst fyrst og fremst um að búa til stemningu því þeir eru hérna í svo marga daga,“ segir Einsi. „Það er mitt hlutverk að láta þá hlakka til að fara í mat. Þetta eru margir dagar og maturinn þarf að vera mjög fjölbreytilegur.“ Einsi segir verkefnið eitt það skemmtilegasta sem hann hafi tekið að sér.Í hlutverki diplómats í eldhúsi strákanna okkar Óhætt er að segja að hin franska Mathilde, eða Matthildur, sé í lykilhlutverki í eldhúsi karlalandsliðsins í knattspyrnu í Annecy. Hún er eina manneskjan sem talar ensku og frönsku en annars væri hætt við að ýmislegt færi úrskeiðis við matseldina sökum tungumálaörðugleika. Hin franska Matthildur segir að upp hafi komið smá vandamál í byrjun en það hafi verið leyst „Ég held að allir leikmennirnir séu sáttir núna,“ segir Matthildur sem ber Einsa kalda yfirkokki vel söguna. Hann sé mjög vingjarnlegur og það sé skemmtilegt að læra „íslensku leiðina“ í eldhúsinu. Matthildur viðurkennir að þurfa stundum að miðla málum í eldhúsinu. „Það er ekki alltaf auðvelt. Stundum spyr Einar vinalega hvort við getum gert eitthvað,“ segir Matthildur og þá svara frönsku kokkarnir, sem séu stoltir eins og Frakka er von og vísa: „Af hverju?“ Allt fari þó vel að lokum. Einsi hlær að þessu öllu saman og segir samstarfið hafa gengið ótrúlega vel. „Ég var tekinn á teppið af eigendum hótelsins því að starfsfólkið í eldhúsinu var stressað yfir mér því rómurinn var svolítið hár,“ segir Einar og hlær. Hann hafi útskýrt að hann hafi verið nýkominn af Sjómannadeginum þar sem hann var að elda, þar þurfti að hafa hátt. „Svo róaðist ég með dögunum,“ segir Einar léttur.Innslagið í heild sinni má sjá í spilaranum að ofan.Ekki missa af neinu sem gerist á EM í Frakklandi. Vísir er með hóp fjölmiðlamanna á mótinu sem færa ykkur allar nýjustu fréttirnar af strákunum okkar. Fylgdu okkur á Facebook, Twitter og Snapchat (sport365). EM 2016 í Frakklandi Mest lesið „Ég var mjög leið og bara ótrúlega vonsvikin“ Sport „Staða mín er svolítið erfið“ Fótbolti Yfir fimm þúsund bannaðar auglýsingar á meðan leikurinn var í loftinu Enski boltinn Vítið sem dæmt var á Örnu í Meistaradeildinni: „Væri móðguð ef ég væri hún“ Fótbolti Sir Jim Ratcliffe: Amorim þarf þrjú ár til að sanna sig Enski boltinn Gæti lamast eftir árekstur við auglýsingaskilti Fótbolti Missa af Messi vegna harðra aðgerða gegn innflytjendum í Chicago Fótbolti Rifust um olnbogaskot Drungilas Körfubolti Nýtur sín vel í sterkari deild: „Alveg sannfærður um að ég hafi valið vel“ Handbolti Svona var blaðamannafundur KSÍ fyrir leikinn gegn Úkraínu Fótbolti Fleiri fréttir „Getum eyðilagt drauma Úkraínu á morgun“ Svona var blaðamannafundur KSÍ fyrir leikinn gegn Úkraínu Gæti lamast eftir árekstur við auglýsingaskilti Dæmdu Valsmann í leikbann en drógu það síðan til baka „Ekki alltaf hægt að tala vel um mann“ Utan vallar: Var Helgi Guðjóns að eiga Steina Gísla sumar? Vítið sem dæmt var á Örnu í Meistaradeildinni: „Væri móðguð ef ég væri hún“ Sir Jim Ratcliffe: Amorim þarf þrjú ár til að sanna sig Yfir fimm þúsund bannaðar auglýsingar á meðan leikurinn var í loftinu „Staða mín er svolítið erfið“ Missa af Messi vegna harðra aðgerða gegn innflytjendum í Chicago Ísak lofar að hlaupa mest: „Mjög gaman að sjá fólkið bakka okkur upp“ Birta Georgs: Skrítinn leikur og veðrið átti stóran þátt í því Óheppin Arna fékk dæmt á sig víti gegn Man. Utd Vonsvikinn Nik: Þriðja og fjórða markið gætu skipt sköpum Amanda fagnaði stigi gegn ensku meisturunum Cecilía og Karólína komnar inn um dyrnar Salah sendi Egypta á HM Uppgjörið: Breiðablik - Spartak Subotica 4-0 | Langt komnar í nýju Evrópukeppnina Björgvin Brimi í Víking Sagði 28 ára skilið við fótboltann og sér ekki eftir neinu Matti Villa efstur í Víkingsdeildinni í Fantasy en þjálfarinn á botninum „Særði fólk mikið með því að fara til Sádi-Arabíu“ Cristiano Ronaldo: Fjölskyldan biður mig um að hætta Gætu spilað á Wembley ef Emirates fær Real Madrid uppfærslu Spilaði nærbuxnalaus og fékk UFC-spólur bak við borðið Telja að leikmenn United styðji Ruben Amorim Króati tekur við kvennaliði Keflavíkur Varar við því að Norðmönnum gæti verið dæmdur leikurinn tapaður Segir leikmenn í gullkynslóð Englands hafa verið „sjálfhverfir lúserar“ Sjá meira
Ábyrgðin er mikil á herðum Einars Björns Árnasonar sem eru öllu þekktari sem Einsi kaldi. Eyjapeyinn stýrir gangi mála í matarmálum hjá karlalandsliðinu í knattspyrnu á Evrópumótinu í Frakklandi. Blaðamaður fékk að kíkja í heimsókn til Einars og Frakkanna sem eru honum til aðstoðar í eldhúsinu á hóteli landsliðsins í Annecy. „Ég er hérna 24/7. Ég átti reyndar bara að sjá um hádegið og kvöldið en strákarnir eru svo kröfuharðir að ég er hérna allan sólarhringinn,“ segir Einsi. Hann skemmtir sér konunglega enda starfið fjölbreytilegt. Mesta fjörið hafi verið í byrjun enda allt annað en auðvelt að koma inn í nýjan menningarheim. Einsi segist hafa byrjað dvölina úti á fundi með starfsmönnum og svo stimplað sig inn með kröftugleika og vinnusemi. Þannig hafi hann öðlast virðingu Frakkanna sem tala svo til enga ensku að frátaldi Mathilde, frönskum kokki sem miðlar málum. „Hún reddar mér alveg,“ segir Einsi.Taka allir vel til matar síns Einsi segir hafa lagt upp matseðilinn strax í haust og gert um leið þá kröfu að pantaður yrði íslenskur fiskur af mörkuðum í Frakklandi. „Ég held að strákarnir séu ægilega ánægðir með þetta allt saman,“ segir Einsi. Strákarnir séu samt duglegir að koma með punkta um hvað þeir vilja. Því sé þá reddað. Annars taka þeir allir vel til matar síns. „Þeir eru rosalega duglegir að borða og það er gaman að elda ofan í þá. Sumir eru rosalega mikið fyrir grænmeti og snerta ekki fiskinn á meðan aðrir eru sjúkir í fiskinn, eru kannski ekki vanir að fá svona flotta fiskrétti,“ segir Einsi. Hann hefur eldað ofan í knattspyrnufólk á öllum aldri undanfarin ár en hann er fastagestur á Shellmótinu og Pæjumótinu í Eyjum. „Ég er örugglega búinn að elda fyrir einhverja þessara stráka á Shellmóti,“ segir Einsi. Hann hafi eldað fyrir ÍBV í mörg ár, þegar Heimir Hallgrímsson, Eyjapeyi og landsliðsþjálfari, var með liðið. „Þannig að ég held nú alveg að ég viti hvað ég er að gera.“Vel fer á með Einsa kalda og Frökkunum sem eru vafalítið búnir að læra mikið af kokknum úr Vestmannaeyjum.Maturinn verður að vera fjölbreyttur Aðstæður í eldhúsinu í Annecy eru fínar enda hefði Einsi ekki hleypt okkur þangað eins og hann kemst sjálfur að orði. Hann passi upp á allt hráefni þar sem finna má önd, lamb, kjúkling og fleira en allajafna geta strákarnir valið úr þremur til fimm réttum. „Það er bara þannig. Ég ætla ekki að fá neinn stimpil á mig að hafa ekki staðið mig í þessari ferð. Ég ætla að skilja við þá þannig að þeir vilji bara Einsa Kalda í framtíðinni.“ Gangi íslenska liðinu illa á mótinu verði ekki hægt að kenna matnum um. „Það er ekki séns. Þetta snýst fyrst og fremst um að búa til stemningu því þeir eru hérna í svo marga daga,“ segir Einsi. „Það er mitt hlutverk að láta þá hlakka til að fara í mat. Þetta eru margir dagar og maturinn þarf að vera mjög fjölbreytilegur.“ Einsi segir verkefnið eitt það skemmtilegasta sem hann hafi tekið að sér.Í hlutverki diplómats í eldhúsi strákanna okkar Óhætt er að segja að hin franska Mathilde, eða Matthildur, sé í lykilhlutverki í eldhúsi karlalandsliðsins í knattspyrnu í Annecy. Hún er eina manneskjan sem talar ensku og frönsku en annars væri hætt við að ýmislegt færi úrskeiðis við matseldina sökum tungumálaörðugleika. Hin franska Matthildur segir að upp hafi komið smá vandamál í byrjun en það hafi verið leyst „Ég held að allir leikmennirnir séu sáttir núna,“ segir Matthildur sem ber Einsa kalda yfirkokki vel söguna. Hann sé mjög vingjarnlegur og það sé skemmtilegt að læra „íslensku leiðina“ í eldhúsinu. Matthildur viðurkennir að þurfa stundum að miðla málum í eldhúsinu. „Það er ekki alltaf auðvelt. Stundum spyr Einar vinalega hvort við getum gert eitthvað,“ segir Matthildur og þá svara frönsku kokkarnir, sem séu stoltir eins og Frakka er von og vísa: „Af hverju?“ Allt fari þó vel að lokum. Einsi hlær að þessu öllu saman og segir samstarfið hafa gengið ótrúlega vel. „Ég var tekinn á teppið af eigendum hótelsins því að starfsfólkið í eldhúsinu var stressað yfir mér því rómurinn var svolítið hár,“ segir Einar og hlær. Hann hafi útskýrt að hann hafi verið nýkominn af Sjómannadeginum þar sem hann var að elda, þar þurfti að hafa hátt. „Svo róaðist ég með dögunum,“ segir Einar léttur.Innslagið í heild sinni má sjá í spilaranum að ofan.Ekki missa af neinu sem gerist á EM í Frakklandi. Vísir er með hóp fjölmiðlamanna á mótinu sem færa ykkur allar nýjustu fréttirnar af strákunum okkar. Fylgdu okkur á Facebook, Twitter og Snapchat (sport365).
EM 2016 í Frakklandi Mest lesið „Ég var mjög leið og bara ótrúlega vonsvikin“ Sport „Staða mín er svolítið erfið“ Fótbolti Yfir fimm þúsund bannaðar auglýsingar á meðan leikurinn var í loftinu Enski boltinn Vítið sem dæmt var á Örnu í Meistaradeildinni: „Væri móðguð ef ég væri hún“ Fótbolti Sir Jim Ratcliffe: Amorim þarf þrjú ár til að sanna sig Enski boltinn Gæti lamast eftir árekstur við auglýsingaskilti Fótbolti Missa af Messi vegna harðra aðgerða gegn innflytjendum í Chicago Fótbolti Rifust um olnbogaskot Drungilas Körfubolti Nýtur sín vel í sterkari deild: „Alveg sannfærður um að ég hafi valið vel“ Handbolti Svona var blaðamannafundur KSÍ fyrir leikinn gegn Úkraínu Fótbolti Fleiri fréttir „Getum eyðilagt drauma Úkraínu á morgun“ Svona var blaðamannafundur KSÍ fyrir leikinn gegn Úkraínu Gæti lamast eftir árekstur við auglýsingaskilti Dæmdu Valsmann í leikbann en drógu það síðan til baka „Ekki alltaf hægt að tala vel um mann“ Utan vallar: Var Helgi Guðjóns að eiga Steina Gísla sumar? Vítið sem dæmt var á Örnu í Meistaradeildinni: „Væri móðguð ef ég væri hún“ Sir Jim Ratcliffe: Amorim þarf þrjú ár til að sanna sig Yfir fimm þúsund bannaðar auglýsingar á meðan leikurinn var í loftinu „Staða mín er svolítið erfið“ Missa af Messi vegna harðra aðgerða gegn innflytjendum í Chicago Ísak lofar að hlaupa mest: „Mjög gaman að sjá fólkið bakka okkur upp“ Birta Georgs: Skrítinn leikur og veðrið átti stóran þátt í því Óheppin Arna fékk dæmt á sig víti gegn Man. Utd Vonsvikinn Nik: Þriðja og fjórða markið gætu skipt sköpum Amanda fagnaði stigi gegn ensku meisturunum Cecilía og Karólína komnar inn um dyrnar Salah sendi Egypta á HM Uppgjörið: Breiðablik - Spartak Subotica 4-0 | Langt komnar í nýju Evrópukeppnina Björgvin Brimi í Víking Sagði 28 ára skilið við fótboltann og sér ekki eftir neinu Matti Villa efstur í Víkingsdeildinni í Fantasy en þjálfarinn á botninum „Særði fólk mikið með því að fara til Sádi-Arabíu“ Cristiano Ronaldo: Fjölskyldan biður mig um að hætta Gætu spilað á Wembley ef Emirates fær Real Madrid uppfærslu Spilaði nærbuxnalaus og fékk UFC-spólur bak við borðið Telja að leikmenn United styðji Ruben Amorim Króati tekur við kvennaliði Keflavíkur Varar við því að Norðmönnum gæti verið dæmdur leikurinn tapaður Segir leikmenn í gullkynslóð Englands hafa verið „sjálfhverfir lúserar“ Sjá meira