Laxinn er mættur í Blöndu og það styttist í opnun Karl Lúðvíksson skrifar 1. júní 2016 08:50 Fyrstu laxarnir hafa sýnt sig í Blöndu. Mynd úr safni Blanda er án nokkurs vafa ein skemmtilegasta áin til að veiða við opnun veiðitímabilsins enda eru stóru laxarnir gjarnan fyrstir á ferð. Blanda opnar 5. júní og þeir sem eiga dagana í opnun eru trúlega orðnir spenntir eins og gefur að skilja. Varla minnkar spennan þegar fréttir af fyrstu löxunum koma að norðan en þegar Guðmundur Haukur Jakobsson veiðimaður á Blönduósi kíkti í ánna sá hann greinilega 14-16 punda lax sem lá í Holunni. Sá var bjartur og nýrunninn og nokkuð víst að hann hefur ekki verið einn á ferð. Alls komu 4829 laxar á land úr Blöndu í fyrra sem var í alla staði frábært ár og vonir veiðimanna fyrir komandi tímabili þess vegna góðar þó svo að engin tenging sé á milli veiði á milli ára en veiðimenn eru bjartsýnir engu að síður og það sést fljótlega hversu mikill kraftur verður í göngunum. Blanda skiptist í fjögur svæði og er neðsta svæðið, svæði 1, þeirra þekktast. Svæði 3 og 4 eru síðan mjög vinsæl enda eru aðstæður, veiðistaðir og umhverfi gjörólíkt neðri hlutanum af ánni. Síðan er það svæði 2 sem er líklega eitt vanmetnasta svæðið í Blöndu. Þarna fer allur lax um sem þarf að komast á efri svæðin en samt er lítið sótt í leyfi, til þess að gera, miðað við ásókn á hin svæðin. Þarna eru flottar breiður sem gaman er að kasta í og veiðivonin er góð. Það sem kannski helst hefur haldið aftur af mönnum er að svæðið er langt og misvel merkt. Það er þó til nokkuð greinargóð lýsing á bestu stöðunum og á hvaða tíma dags er best að veiða þá og var þessi veiðistaðalýsing skrifuð á sínum tíma af Þorsteini Hafþórssyni leiðsögumanni við Blöndu. Mest lesið Sjáðu laxana í teljaranum í Búðarfossi Veiði 80 sentimetra langur sjóbirtingur í Varmá Veiði Fékk 15 punda urriða í Varmá Veiði Varmá: 8 glæsifiskar á 5 klukkutímum Veiði Norðurá aflahæst það sem af er sumri Veiði Frestur til að sækja um hreindýr að renna út Veiði Átta laxar á land í Kjósinni á fyrstu vakt! Veiði 10 laxar í Grímsá fyrsta daginn Veiði Villtur lax á tuttugu þúsund krónur kílóið Veiði Ekki fyrir viðkvæma: Kind skelfilega illa leikin eftir dýrbít í Lundarreykjadal Veiði
Blanda er án nokkurs vafa ein skemmtilegasta áin til að veiða við opnun veiðitímabilsins enda eru stóru laxarnir gjarnan fyrstir á ferð. Blanda opnar 5. júní og þeir sem eiga dagana í opnun eru trúlega orðnir spenntir eins og gefur að skilja. Varla minnkar spennan þegar fréttir af fyrstu löxunum koma að norðan en þegar Guðmundur Haukur Jakobsson veiðimaður á Blönduósi kíkti í ánna sá hann greinilega 14-16 punda lax sem lá í Holunni. Sá var bjartur og nýrunninn og nokkuð víst að hann hefur ekki verið einn á ferð. Alls komu 4829 laxar á land úr Blöndu í fyrra sem var í alla staði frábært ár og vonir veiðimanna fyrir komandi tímabili þess vegna góðar þó svo að engin tenging sé á milli veiði á milli ára en veiðimenn eru bjartsýnir engu að síður og það sést fljótlega hversu mikill kraftur verður í göngunum. Blanda skiptist í fjögur svæði og er neðsta svæðið, svæði 1, þeirra þekktast. Svæði 3 og 4 eru síðan mjög vinsæl enda eru aðstæður, veiðistaðir og umhverfi gjörólíkt neðri hlutanum af ánni. Síðan er það svæði 2 sem er líklega eitt vanmetnasta svæðið í Blöndu. Þarna fer allur lax um sem þarf að komast á efri svæðin en samt er lítið sótt í leyfi, til þess að gera, miðað við ásókn á hin svæðin. Þarna eru flottar breiður sem gaman er að kasta í og veiðivonin er góð. Það sem kannski helst hefur haldið aftur af mönnum er að svæðið er langt og misvel merkt. Það er þó til nokkuð greinargóð lýsing á bestu stöðunum og á hvaða tíma dags er best að veiða þá og var þessi veiðistaðalýsing skrifuð á sínum tíma af Þorsteini Hafþórssyni leiðsögumanni við Blöndu.
Mest lesið Sjáðu laxana í teljaranum í Búðarfossi Veiði 80 sentimetra langur sjóbirtingur í Varmá Veiði Fékk 15 punda urriða í Varmá Veiði Varmá: 8 glæsifiskar á 5 klukkutímum Veiði Norðurá aflahæst það sem af er sumri Veiði Frestur til að sækja um hreindýr að renna út Veiði Átta laxar á land í Kjósinni á fyrstu vakt! Veiði 10 laxar í Grímsá fyrsta daginn Veiði Villtur lax á tuttugu þúsund krónur kílóið Veiði Ekki fyrir viðkvæma: Kind skelfilega illa leikin eftir dýrbít í Lundarreykjadal Veiði