Skiptir um líkama við Ronaldo | Geggjuð auglýsing

Cristiano Ronaldo fer á kostum í nýrri auglýsingu frá Nike sem er sú dýrasta sem fyrirtækið hefur gert með stórstjörnunni.

Í stuttu máli gengur auglýsingin út á að Ronaldo klessir á boltastrák í landsleik. Við það skipta þeir um líkama með tilheyrandi veseni.

Strákurinn sem leikur á móti Ronaldo í auglýsingunni er 16 ára gamall og heitir Gerson Correia Adua. Hann átti upprunalega að vera varamaður fyrir annan en sá meiddist í bílslysi og Adua fékk tækifæri lífs síns.

Hann er öflugur sjálfur í fótbolta og talar bæði ensku og portúgölsku.

Það reynir nokkuð á leikhæfileika Ronaldo í þessari flottu og dýru auglýsingu og hann virðist njóta sín ágætlega.

Horfa má á auglýsinguna hér að ofan en fleiri stórstjörnur koma þar við sögu.