Ísland bar sigur úr býtum í fyrsta leik sínum í forkeppni HM/EM smáþjóða. Liðið mætti Skotum í Laugardalshöll í kvöld og vann í oddahrinu, 3-2.
Ísland vann fyrstu hrinuna, 25-21, en Skotar náðu að svara og vinna þá næstu sannfærandi, 25-15.
Strákarnir unnu svo þriðju hrinuna, 25-18, og voru nálægt því að klára leikinn í fjórðu hrinu er þeir komust í 22-20 forystu. Skotarnir náðu þó að vinna hrinuna að lokum, 25-23.
Lokahrinan var svo æsispennandi en svo fór að Ísland vann, 15-13.
Theódór Óskar Þorvaldssson var með átján stig fyrir Ísland og tvíburabræðurnir Kristán og Hafsteinn Valdimarssynir með fjórtán stig hvor.
Blaklandsliðið byrjaði vel
Eiríkur Stefán Ásgeirsson skrifar

Mest lesið

Sané fær ofurlaun hjá Galatasaray
Fótbolti



Þegar neyðin er mest er Caruso næst
Körfubolti


Uppgjörið: Valur - Þróttur 2-1 | Valskonur í undanúrslit
Íslenski boltinn

Grealish fer ekki með á HM félagsliða
Enski boltinn


