Kylie Jenner byrjaði að selja glossa fyrr á árinu og það þýðir ekkert annað en að þeir séu komnir aftur í tísku.
Glossar hafa lengi þótt vera pirrandi förðunarvara til þess að ganga með dags daglega. Hárið festist í þeim, þeir eru klístraðir og það er erfitt að borða og drekka með þá. Sem betur fer hefur bætt tækni og þróun í förðun gert snyrtivöruframleiðendum kleift að framleiða nýja kynslóð glossa þar sem þessi vandamál eru úr sögunni.
Ef eitthvað er að marka það sem stjörnurnar nota á andlitið á sér og helstu hönnuðir tískubransans setja á fyrirsæturnar sínar þá verða litaðir glossar mikilvæg viðbót við snyrtibudduna í sumar.
Gloss er skemmtileg og létt skipting við varalitina fyrir sumarið þegar sólin verður orðin tíðari gestur.
Á myndbandinu neðst í fréttinni má sjá auglýsingu fyrir glossana hennar Kylie Jenner. Þeir seljast upp í hverri viku á innan við hálftíma þegar hún setur þá á sölu.
Fyrirsætur Givenchy gengu niður pallana með dökka litaða glossa fyrir haustið 15/16.Bella Hadid klæddist léttum bleikum gloss á dögunum.Sarah Jessica Parker var með ljósbleikan gloss á Met Gala.
