Neyðarlánapakki Grikkja framlengdur

Fjármálaráðherrar evruríkjanna náðu í nótt samkomulagi um að framlengja neyðarlánapakka Grikkja eftir langar samningaviðræður og er rætt um samkomulagið sem stóran áfanga.

Grikkir fá nú ný lán upp á rúma tíu milljarða evra en fyrir tveimur dögum samþykkti gríska þingið enn eitt frumvarpið um aukinn niðurskurð og skattahækkanir sem alþjóðlegir lánadrottnar þeirra höfðu krafist.

Fjármálaráðherrararnir evrópsku létu hafa það eftir sér í nótt að á endanum muni Grikkium standa til boða einhverskonar skuldaeftirgjöf en það hefur verið krafa Alþjóðagjaldeyrissjóðsins sem segir að skuldir Grikkja séu ósjálfbærar, enda nemi þær um 180 prósentum af heildarlandsframleiðslu.