Eygló Ósk Gústafsdóttir, íþróttamaður ársins 2015, komst örugglega í úrslit í 200 metra baksundi, sinni sterkustu grein, á Evrópumeistaramótinu í 50 metra laug London í kvöld.
Eygló synti í seinni undanúrslitariðlinum og kom önnur í mark á eftir járnfrúnni Katinku Hoszzu frá Ungverjalandi.
Hún synti á 2:10,87 mínútum en Íslandsmet hennar er 2:09,04 mínútur. Eygló bætti sig frá því í morgun en hún var einnig með fimmta besta tímann í undanrásum þegar hún synti á 2:11,30 mínútum.
Eygló syndir til úrslita á morgun og á fínan möguleika á verðlaunum.
Eygló Ósk með fimmta besta tímann inn í úrslitin
Tengdar fréttir
Bryndís í undanúrslit á Íslandsmeti
Eygló Ósk Gústafsdóttir, Anton Sveinn McKee og Bryndís Rún Hansen eru öll komin í undanúrslit á Evrópumeistaramótinu í 50 metra laug sem fram fer í London, en undanrásir fóru fram í morgun.
Anton Sveinn komst í úrslit
Anton Sveinn McKee syndir í úrslitum í 100 metra bringusundi á EM í 50 metra laug.
