Paris Hilton var eitt sinn tískufyrirmynd margra stúlkna þannig það er ekki von að hún eigi stóran fataskáp.
Paris Hilton var eitt sinn ein frægasta stjarnan í Hollywood en á þeim tíma klæddist hún mörgum ógleymanlegum dressum. Hún hleypti bandaríska Vogue inn í risastóra fataskápinn sinn og sýndi þeim meðal annars gallabuxnasafnið sitt sem telur yfir 100 stykki.
Hún segir að um aldamótin hafi hún verið mikið fyrir gallabuxur með lágt mitti og síðan tekur hún fram eitt stuttasta gallapils sem líklega hefur verið framleitt en því klæddist hún iðulega í raunveruleikaþættinum The Simple Life.
Hægt er að sjá inn í þennan stórmerkilega fataskáp í klippunni hér fyrir neðan.
