Zinedine Zidane, knattspyrnustjóri Real Madrid, lenti í óheppilegu atviki þegar spænska stórliðið vann Wolfsburg, 3-0, í seinni leik liðanna í 8-liða úrslitum Meistaradeildar Evrópu í kvöld.
Zidane var að vanda vel til hafður en buxurnar sem hann klæddust virtust helst til of þröngar því þær rifnuðu þegar knattspyrnustjórinn hringsnerist á hliðarlínunni.
Sjá einnig: Ramos: Ronaldo sýndi af hverju hann er besti leikmaður heims
Buxurnar gáfu sig í stöðunni 3-0 en Cristiano Ronaldo skoraði öll mörk Real Madrid í leiknum og tryggði liðinu þar með farseðilinn í undanúrslit. Wolfsburg vann fyrri leikinn í Þýskalandi 2-0 en Madrídingar sneru taflinu sér í vil í kvöld.
Atvikið má sjá í spilaranum hér að ofan.
Fótbolti
