Hópur fjárfesta hefur höfðað skaðabótamál á hendur Volkswagen í kjölfar útblásturssvindlinsins sem komst í hámæli á haustmánuðum síðasta árs. Krafa mannanna hljóðar upp á 3,3 milljarða evra eða tæplega 470 milljarða íslenskra króna. Þetta kemur fram á vef Bloomberg.
Stefna í málinu var lögð fram í dag og er byggir á þeim grundvelli að félaginu hafi láðst að láta vita af svindlinu í tíma. Svindlið fólst í að koma fyrir búnaði í bílunum sem hafði áhrif á útblástursmælingar.
Þetta er langhæsta krafan sem lögð hefur verið fram í frumskógi af málum sem tengjast svindlinu. Minnst 65 mál höfðu verið höfðuð í síðustu viku. Auk þeirra bíður Volkswagen fjöldi mála í Bandaríkjunum og sakamálarannsóknir í mörgum löndum.
238 fjárfestar standa að baki málinu sem um ræðir og koma þeir frá löndum víðsvegar um heiminn. Má þar nefna Ástralíu, Kanada, Lúxemborg, Taívan, Noregi, Sviss, Bandaríkjunum, Bretlandi og auðvitað Þýskalandi.
Stærsta málssóknin á hendur Volkswagen til þessa
Tengdar fréttir
Volkswagen sker niður 3.000 skrifstofustörf
Nemur þó aðeins 7,5% skrifstofustarfa VW í vesturhluta Þýskalands.
Hluthafar í Volkswagen kæra stjórnendur
Virði hlutabréfa í Volkswagen hefur fallið um 3.120 milljarða króna.
Húsleitir hjá Volkswagen
Gert í von um að það muni varpa ljósi á hverjir bera ábyrgðina á dísilvélasvindlinu.
Yfirmaður Volkswagen kennir verkfræðingum fyrirtækisins um útblásturssvindlið
Segir að stjórn bílaframleiðandans hafi ekki haft hugmynd um að Volkswagen-bílar væru útbúnir svindlhugbúnaði.
