Manchester United og Liverpool eiga bæði von á sektum frá Knattspyrnusambandi Evrópu eftir að UEFA ákvað að kæra félögin fyrir framkomu stuðningsmanna þeirra á Old Trafford í gærkvöldi.
Manchester United og Liverpool gerðu 1-1 jafntefli í þessum seinni leik liðanna í sextán liða úrslitunum og þau úrslit tryggðu Liverpool sæti í átta liða úrslitum.
Stuðningsmenn félaganna sáust slást í stúkunni, sætisbök voru rifin upp og þeim kastað og bæði blys og flugeldar voru á lofti. Fimm menn voru á endanum handteknir af lögreglunni í Manchester-borg.
Bæði félög hafa nú verið ákærð af UEFA fyrir ólæti áhorfenda.
Sjá einnig:Sætisbök á flugi og hnefar á lofti á Old Trafford í gær
Liverpool fær meðal annars ákæru fyrir níðsöngva og að tendra flugelda inn á vellinum.
Það vekur athygli að söngvar Liverpool-stuðningsmanna hafa verið teknir fyrir því Manchester United var ekki refsað fyrir níðsöngva sinna stuðningsmanna um Hillsborough-harmleikinn í fyrri leiknum.
Málið verður þó ekki tekið fyrir af Aganefnd UEFA fyrr en 19. maí eða daginn eftir úrslitaleik Evrópudeildarinnar í Basel.
Manchester United og Liverpool fá bæði á sig kæru frá UEFA
Tengdar fréttir
Milner: Maður þarf stundum svona töfra eins og hjá Coutinho
James Milner var eðlilega kátur með markið sem Brasilíumaðurinn skoraði á Old Trafford í kvöld.
Liverpool áfram eftir jafntefli á Old Trafford | Sjáðu mörkin
Anthony Martial kveikti í draumum United en Philippe Coutinho var fljótur að slökkva í heimamönnum.
Jürgen Klopp vill ekki mæta Borussia Dortmund
Jürgen Klopp, knattspyrnustjóri Liverpool er ekki spenntur fyrir því að mæta sínum gömlu lærisveinum í Borussia Dortmund þegar dregið verður í átta liða úrslit Evrópudeildarinnar í dag.
