Tapaði 700 milljörðum

Námurisinn Anglo American tapaði 5,5 milljörðum dollara, eða tæplega sjö hundruð milljörðum íslenskra króna, fyrir skatt á árinu 2015.

Tapað var tvöfalt meira en árið 2014. Haft er eftir framkvæmdastjóranum Mark Cutifani í frétt BBC um málið að ástandið á alþjóðamörkuðum sé að valda námuiðnaðinum verulegum erfiðleikum. 

Anglo stefnir að því að selja eignir fyrir 3-4 milljarða dollara, 400-500 milljarða króna, til að bæta fjárhag sinn. 

Fyrirtækið er nú að byggja upp framtíð sína í kringum kopar, platín og demantaiðnaðinn.