Laura, Hasan Aleka, Janie og Petrit, betur þekkt sem Telati fjölskyldan frá Albaníu, hafa fengið dvalarleyfi á Íslandi af mannúðarástæðum og vegna sérstakra tengsla þeirra við landið.
Fjölskyldan komst í fréttirnar í september þegar Fréttablaðið greindi frá því að börnin þrjú höfðu ekki fengið skólavist þrátt fyrir að hafa dvalið á landinu frá því í júní. Fór svo að börnin fengu inni í skóla í Laugarneshverfinu og kunnu öll vel við sig þar.
„Mig langar aldrei aftur til Albaníu. Mér líður svo vel hér og það er svo gaman í skólanum,“ sagði Laura Telati, sem er í 10. bekk í Laugalækjarskóla, í viðtali við Fréttablaðið í október.
„Mig langar að búa á Íslandi. Ég er búin að eignast frábæra vini.“
Það var svo í október sem Útlendingastofnun synjaði fjölskyldunni um dvalarleyfi. Kom fram í synjun stofnunarinnar að fjölskyldan væri ekki álitin flóttafólk þar sem hún væri ekki talin í lífshættu í heimalandinu og ætti ekki ofsóknir á hættu.
Fjölskyldan áfrýjaði úrskurðinum en það vakti mikla reiði í samfélaginu að þau senda ætti þau úr landi.
Í kjölfarið setti rithöfundurinn Illugi Jökulsson af stað undirskriftasöfnun til þess að þrýsta á stjórnvöld um að leyfa fjölskyldunni að vera hér áfram.
Á rúmum þremur sólarhringum höfðu 10 þúsund manns skrifað undir og þá efndu skólafélagar krakkanna til meðmælagöngu í Laugarneshverfi til að vekja athygli á málstað fjölskyldunnar og mikilvægi þess að bjóða flóttafólk og hælisleitendur velkomna.
Nú er svo loks komin niðurstaða í mál fjölskyldunnar sem hafa, eins og fyrr segir, fengið hér dvalarleyfi af mannúðarástæðum og vegna sérstakra tengsla við landið.
Telati fjölskyldan fékk dvalarleyfi
Tengdar fréttir
„Ef fólki blöskrar þá finnst mér að opinberar stofnanir eigi að leggja við eyrun“
Illugi Jökulsson afhenti Útlendingastofnun tíu þúsund undirskriftir í morgun.
Tæplega 8000 Íslendingar krefjast hælis fyrir Telati fjölskylduna
Ákvörðun Útlendingastofnunar um að synja albönsku fjölskyldunni um hæli hér á landi hefur vakið gríðarlega viðbrögð eins og dagsgömul undirskriftasöfnun ber með sér.
Forstjóri Útlendingastofnunar: "Þetta voru mistök hjá okkur“
Samtökin, Barnaheill - save the children á Íslandi, segja engan vafa á því að verið sé að brjóta barnasáttmála sameinuðu þjóðanna með því að veita börnum hælisleitenda ekki skólavist, en á annan tug barna í slíkum aðstæðum eru nú utan skóla hér á landi. Forstjóri Útlendingastofnunar segir stofnunina ekki anna eftirspurn.
Laura Telati. „Heimurinn er okkar allra“
"Heimurinn er okkar allra og það er pláss fyrir okkur öll í honum, svo afhverju að aðgreina og fela sig frá öðrum?“ sagði Laura Telati, albanskur táningur í Laugalækjarskóla, sem vísa á úr landi.
Nágrannakona hælisleitenda: Hræðilegt að þau megi ekki búa hér eins og ég og aðrir
Aleka Telati segir að þau hafi orðið fyrir djúpum vonbrigðum þegar þau fengu synjunina í hendur.
Albönsku börnin komin í skóla: Mikil gleði fyrsta skóladaginn
Faðir þriggja albanskra barna, sem hingað til hafa ekki fengið skólavist í íslenskum grunnskólum, segir daginn í dag afar ánægjulegan, en í morgun byrjuðu börn hans loksins í skólanum. Yngsti sonur hans segir skemmtilegast að læra stærfræði og leika sér við aðra krakka.
Öll börnin fengið inngöngu í skóla: „Hrökk upp við þessar fréttir“
Nú hafa öll börnin þrjú; Laura, Janie og Petrit fengið inngöngu í skóla. Systkinin hafa stöðu hælisleitenda hér á landi, en hafa verið búsett hér á landi frá því í júní.
Börn í Laugarneskirkju: „Viljum ekki láta senda skólafélaga okkar í burtu“
Börn í Laugarneskirkju hafa efnt til svokallaðrar meðmælagöngu í Laugarneshverfi.
Gjafir og góðvild bárust ekki systkinum
Þau Laura, Janie og Petrit geta öll hafið skólagöngu á Íslandi innan fárra daga en eiga ekkert til skólagöngunnar. Fjölmargir vildu leggja börnunum lið og gefa þeim gjafir til að létta undir með þeim.
Skólastjóri Laugalækjarskóla býður systurnar Lauru og Janie velkomnar
Útlendingastofnun hefur haft samband við Laugalækjarskóla og Laugarnesskóla og beðið um skólavist fyrir systkinin, Lauru, Janie og Petrit. Björn M. Björgvinsson skólastjóri Laugalækjarskóla staðfestir þetta. "Þær eru búnar að fá skólavist, það á aðeins eftir að ganga frá nokkrum formsatriðum, við þurfum örfáa daga til þess að undirbúa þær fyrir skólann,“ segir hann og segir skólann munu taka vel á móti þeim.
Börn hælisleitenda fá ekki skólavist
Þau Laura fimmtán ára, Janie þrettán ára og Petrit níu ára komu til Íslands í byrjun júní. Þau spyrja foreldra sína daglega hvenær þau fái að fara í skóla. Útlendingastofnun sótti ekki um skólavist fyrir systkinin þrátt fyrir ítrekaðar áminningar foreldra barnanna, lögfræðinga og umboðsmanns barna.
Afhendir tíu þúsund undirskriftir: „Það er alveg nóg svigrúm til að breyta þessari ákvörðun“
Illugi Jökulsson segir glórulaust að vísa eigi Telati-fjölskyldunni úr landi.
