Brúðhjónin alsæl í íslenska vetrinumMynd/Hildur Erla
Mosha Lundström Halbert, fashion director hjá Footwear News, og Aidan Butler, giftu sig með glæsibrag á gamlárskvöld á Íslandi. Myndir frá athöfininni, veislunni og undirbúningnum birtust á Vogue.com í gær.
Athöfnin og veislan voru haldin í Gamla Bíó, en kvöldið fyrir brúðkaupið var kvöldverður í Viðey með víkingaþema. Gestirnir fengu allir víkingahjálma og skáluðu í Brennivíni.
Á stóra daginn fékk Mosha íslenskt teymi í hár og förðun. Theodóra Mjöll sá um hárið bæði kvöldin, Harpa Káradóttir um förðun og húðdekur með Skyn Iceland og Hildur Erla tók myndirnar, en hún hefur myndað fyrir okkur hjá íslenska Glamour.
Brúðurin var stórglæsileg. Hár eftir Theodóru Mjöll og förðun eftir Hörpu Kára.Myndir/Hildur ErlaÞar sem Aidan er mikill aðdáandi Game of Thrones þáttanna, og þau hjónin miklir aðdáendur búningapartýa (þau kynntust einmitt í einu slíku) þá var brúðkaupið í anda þáttanna. Brúðurin klæddist beinhvítum kjól, sem móðir hennar hannaði og bar hún hvítan loðkraga við.
Gréta Salóme spilaði lag Sigurrósar, Hoppípolla þegar brúðurinn gekk inn í salinn. Eftir athöfnina var veislan haldin í sama sal og á miðnætti skáluðu allir í kampavíni og hélt gleðskapurinn áfram fram eftir nóttu.
Allt á fullu í undirbúning.Mynd/Hildur ErlaBrúðhjónin í Víkinga kvöldverðinum daginn fyrir brúðkaupiðMynd/Hildur ErlaBjörk var innblásturinn fyrir greiðsluna í kvöldverðinum fyrir brúðkaupið.mynd/Hildur Erla
