Kínversk stjórnvöld hafa ákveðið að falla frá reglu um sjálfvirka lokun kauphalla falli hlutabréfaverð um 7 prósent. BBC greinir frá.
Kínverskir hlutabréfamarkaðir hafa tvívegis lokað í vikunni eftir að reglan varð virk, nú síðast í nótt innan við hálftíma eftir opnun markaða.
Í tilkynningu frá kínversku verðbréfaeftirlitsnefndinni kom fram að eins og sakir standi væru ókostir við regluna fleiri en kostirnir. Því hafi verið tekin ákvörðun um að afnema regluna til að viðhalda stöðugleika á markaði.
Hlutabréf um allan heim hafa fallið í dag eftir lokun kauphalla í Kína í nótt.
Kínverjar afnema reglu um lokun kauphalla
Tengdar fréttir
Lækkanir í Kauphöllinni
Gengi hlutabréfa allra skráðra félaga í Kauphöllinni, nema Eikar, hafa lækkað í morgun.
Kauphöllum í Kína lokað aftur
Kauphöllum í Kína var aftur lokað í nótt, annan daginn í þessari viku, eftir meira en sjö prósent lækkanir í upphafi dags.
Titringur á mörkuðum teygir anga sína til Íslands
Íslenska úrvalsvísitalan OMXI8 hefur lækkað um 1,91 prósent það sem af er degi. Mest nemur lækkunin í Marel, um 3,17 prósent í 440 milljóna króna viðskiptum.
