Sláinte mhaith! Sara McMahon skrifar 17. mars 2015 07:00 Dagur heilags Patreks, þjóðhátíðardagur Íra, er haldinn hátíðlegur víða um heim í dag. Fyrir þá sem ekki þekkja til Patreks, þá var hann um margt merkilegur maður. Honum er meðal annars gefið að hafa hrakið alla snáka sem hírðust á Eyjunni grænu á haf út – vísindamenn halda því reyndar fram að snákar hafi aldrei þrifist á Írlandi, en það er óþarfi að hengja sig í smáatriðin. Patrekur þessi var breskur að uppruna og af góðu fólki kominn. Faðir hans var djákni og afi hans prestur, en þrátt fyrir það var Patrekur lítt trúrækið barn. Þegar hann var um sextán ára gamall var hann numinn brott af írskum sjóræningjum (já, Írar voru ekki bara fórnarlömb víkinga og Breta) sem höfðu piltinn með sér heim til Írlands. Næstu sex ár sinnti Patrekur starfi fjárhirðis og gerðist einkar guðhræddur. Það var svo fyrir tilskipan drottins að Patrekur lét loks slag standa, flúði prísundina heim til Englands og ákvað að læra til prests. Að náminu loknu sneri Patrekur aftur til Írlands í þeim erindagjörðum að boða hinum heiðnu Keltum kristna trú. Eitt helsta kennslugagn prestsins var þriggja laufa smári, sem Patrekur studdist gjarnan við þegar hann útskýrði heilaga þrenningu fyrir Keltum. Í dag er smárinn eitt helsta einkennismerki Írlands og er ansi fyrirferðamikill á degi heilags Patreks, en 17. mars er talinn vera dánardagur dýrlingsins. Í dag minnist heimsbyggðin heilags Patreks, dýrlings sem fældi brott snáka frá eyju þar sem engir snákar voru, með því að teyga Guinnes, klæðast grænu og hlýða á írska þjóðsöngva. Í dag eru allir írskir. Svo veltir maður því fyrir sér hvenær veröldin öll mun taka við sér og halda upp á 17. júní. Viltu birta grein á Vísi? Sendu okkur póst. Senda grein Sara McMahon Mest lesið Við viljum tala íslensku, en hvernig Ólafur Guðsteinn Kristjánsson Skoðun Hugsum fíknivanda upp á nýtt - Ný nálgun í meðhöndlun fíknivanda og áhættuhegðunar Svala Jóhannesdóttir,Lilja Sif Þorsteinsdóttir Skoðun Umbúðir en ekkert innihald í Hafnarfirði Einar Geir Þorsteinsson Skoðun Sumt er bara ekki hægt að rökræða Ása Lind Finnbogadóttir Skoðun Tímamót í sjálfsvígsforvörnum Ingibjörg Isaksen Skoðun Hættur heimsins virða engin landamæri Tótla I. Sæmundsdóttir Skoðun Halldór 27.03.2024 Halldór Yfirgangur, yfirlæti og endastöð Strætó Axel Hall Skoðun Þúsundir kusu Sönnu Anna Bentína Hermansen Einarsdóttir,Ármann Hákon Gunnarsson,Baldvin Björgvinsson,Brynja Guðnadóttir,Haraldur Ingi Haraldsson,Jón Hallur Haraldsson,Kolbrún Erna Pétursdóttir,Ólafur H. Ólafsson,Rakel Hildardóttir,Sigrún Jónsdóttir Skoðun Mansalsmál á Íslandi Kristján Þórður Snæbjarnarson Skoðun
Dagur heilags Patreks, þjóðhátíðardagur Íra, er haldinn hátíðlegur víða um heim í dag. Fyrir þá sem ekki þekkja til Patreks, þá var hann um margt merkilegur maður. Honum er meðal annars gefið að hafa hrakið alla snáka sem hírðust á Eyjunni grænu á haf út – vísindamenn halda því reyndar fram að snákar hafi aldrei þrifist á Írlandi, en það er óþarfi að hengja sig í smáatriðin. Patrekur þessi var breskur að uppruna og af góðu fólki kominn. Faðir hans var djákni og afi hans prestur, en þrátt fyrir það var Patrekur lítt trúrækið barn. Þegar hann var um sextán ára gamall var hann numinn brott af írskum sjóræningjum (já, Írar voru ekki bara fórnarlömb víkinga og Breta) sem höfðu piltinn með sér heim til Írlands. Næstu sex ár sinnti Patrekur starfi fjárhirðis og gerðist einkar guðhræddur. Það var svo fyrir tilskipan drottins að Patrekur lét loks slag standa, flúði prísundina heim til Englands og ákvað að læra til prests. Að náminu loknu sneri Patrekur aftur til Írlands í þeim erindagjörðum að boða hinum heiðnu Keltum kristna trú. Eitt helsta kennslugagn prestsins var þriggja laufa smári, sem Patrekur studdist gjarnan við þegar hann útskýrði heilaga þrenningu fyrir Keltum. Í dag er smárinn eitt helsta einkennismerki Írlands og er ansi fyrirferðamikill á degi heilags Patreks, en 17. mars er talinn vera dánardagur dýrlingsins. Í dag minnist heimsbyggðin heilags Patreks, dýrlings sem fældi brott snáka frá eyju þar sem engir snákar voru, með því að teyga Guinnes, klæðast grænu og hlýða á írska þjóðsöngva. Í dag eru allir írskir. Svo veltir maður því fyrir sér hvenær veröldin öll mun taka við sér og halda upp á 17. júní.
Hugsum fíknivanda upp á nýtt - Ný nálgun í meðhöndlun fíknivanda og áhættuhegðunar Svala Jóhannesdóttir,Lilja Sif Þorsteinsdóttir Skoðun
Þúsundir kusu Sönnu Anna Bentína Hermansen Einarsdóttir,Ármann Hákon Gunnarsson,Baldvin Björgvinsson,Brynja Guðnadóttir,Haraldur Ingi Haraldsson,Jón Hallur Haraldsson,Kolbrún Erna Pétursdóttir,Ólafur H. Ólafsson,Rakel Hildardóttir,Sigrún Jónsdóttir Skoðun
Hugsum fíknivanda upp á nýtt - Ný nálgun í meðhöndlun fíknivanda og áhættuhegðunar Svala Jóhannesdóttir,Lilja Sif Þorsteinsdóttir Skoðun
Þúsundir kusu Sönnu Anna Bentína Hermansen Einarsdóttir,Ármann Hákon Gunnarsson,Baldvin Björgvinsson,Brynja Guðnadóttir,Haraldur Ingi Haraldsson,Jón Hallur Haraldsson,Kolbrún Erna Pétursdóttir,Ólafur H. Ólafsson,Rakel Hildardóttir,Sigrún Jónsdóttir Skoðun