Það er ekki hægt að kvarta þegar maður fær að syngja 5. janúar 2015 11:00 „Það er reyndar lítið jólafrí því mikið er búið að æfa en það er samt gaman að geta haldið tónleika þegar ég er í fríi frá skólanum.“ „Ég er með sambland af aríum og sönglögum. Það sem hæst ber er lagaflokkur sem sjaldan er fluttur á Íslandi og er eftir tónskáld sem heitir Argento. Þar eru meðal annars textar eftir Shakespeare. Svo syng ég Gimsteinaaríu Kleópötru og aríu Júlíu úr Rómeó og Júlíu.“ Þannig lýsir hin unga söngkona Valdís Gregory dagskránni í Kaldalóni í kvöld sem hefst klukkan 20. Hún er sem sagt ekkert á láglendinu stelpan þegar hún velur sér verkefni. Um undirleikinn sér Kristinn Örn Kristinsson píanóleikari. Valdís var að ljúka fyrstu önninni af fjórum í mastersnámi í söng við Chicago College of Performing Arts og fékk hæstu einkunn í öllu. Aðalkennari hennar er Metropolitan-tenórinn Allan Glassman. Spurð hvort hún sé heima í jólafríi núna hlær Valdís og svarar: „Það er reyndar lítið jólafrí því mikið er búið að æfa en það er samt gaman að geta haldið tónleika meðan ég er í fríi frá skólanum. Það er ekki hægt að kvarta þegar maður fær að syngja.“ Valdís hóf klassískt söngnám á unglingsaldri, hafði lært á fiðlu frá sex ára aldri og síðar selló. Jafnframt var hún í Kórskóla Langholtskirkju. Söngkennarar hennar hér á landi hafa verið Signý Sæmundsdóttir, Ingveldur Ýr Jónsdóttir og Þóra Einarsdóttir. Hún lauk bachelor-gráðu með láði frá University of Hartford. Sumarið 2010 stundaði hún nám við Bel Canto Institute í Flórens á Ítalíu. Þar vann hún til verðlauna fyrir tæknilega kunnáttu, efnilega sviðsframkomu, tónlistargáfu, tilfinningu fyrir ítalska tungumálinu og hæfni til að nýta sér stíl og hefðir bel canto-söngstílsins. Með Hartt Opera Theatre hefur Valdís sungið hlutverk Næturdrottningarinnar í Töfraflautu Mozarts. Hún söng hlutverk Donnu Önnu í Don Giovanni eftir Mozart með Sinfóníuhljómsveit unga fólksins, hefur haldið einsöngstónleika í Selinu á Stokkalæk og Listasafni Sigurjóns Ólafssonar. Einnig hefur hún komið fram sem einsöngvari með Sinfóníuhljómsveit Íslands, Sinfóníuhljómsveit áhugamanna, Söngsveitinni Fílharmóníu, Sönghópnum Spectrum og Hartt Choir. Menning Mest lesið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Var talin vera hommi og lögð í einelti Lífið „Við munum ekki eldast saman“ Lífið Ísland með auga fuglsins Lífið Myndasyrpa úr Bakgarðshlaupinu Lífið Borðar það sem alltaf hefur verið til og léttist og léttist Lífið Krakkatían: Dýrin, heimsálfur og teiknimyndir Lífið Ein lausn er að liggja hlið við hlið og fróa sér Lífið Aldrei litið betur út þrátt fyrir alvarlegt slys Lífið Tæpur helmingur íbúa hefur séð myndina Bíó og sjónvarp Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
„Ég er með sambland af aríum og sönglögum. Það sem hæst ber er lagaflokkur sem sjaldan er fluttur á Íslandi og er eftir tónskáld sem heitir Argento. Þar eru meðal annars textar eftir Shakespeare. Svo syng ég Gimsteinaaríu Kleópötru og aríu Júlíu úr Rómeó og Júlíu.“ Þannig lýsir hin unga söngkona Valdís Gregory dagskránni í Kaldalóni í kvöld sem hefst klukkan 20. Hún er sem sagt ekkert á láglendinu stelpan þegar hún velur sér verkefni. Um undirleikinn sér Kristinn Örn Kristinsson píanóleikari. Valdís var að ljúka fyrstu önninni af fjórum í mastersnámi í söng við Chicago College of Performing Arts og fékk hæstu einkunn í öllu. Aðalkennari hennar er Metropolitan-tenórinn Allan Glassman. Spurð hvort hún sé heima í jólafríi núna hlær Valdís og svarar: „Það er reyndar lítið jólafrí því mikið er búið að æfa en það er samt gaman að geta haldið tónleika meðan ég er í fríi frá skólanum. Það er ekki hægt að kvarta þegar maður fær að syngja.“ Valdís hóf klassískt söngnám á unglingsaldri, hafði lært á fiðlu frá sex ára aldri og síðar selló. Jafnframt var hún í Kórskóla Langholtskirkju. Söngkennarar hennar hér á landi hafa verið Signý Sæmundsdóttir, Ingveldur Ýr Jónsdóttir og Þóra Einarsdóttir. Hún lauk bachelor-gráðu með láði frá University of Hartford. Sumarið 2010 stundaði hún nám við Bel Canto Institute í Flórens á Ítalíu. Þar vann hún til verðlauna fyrir tæknilega kunnáttu, efnilega sviðsframkomu, tónlistargáfu, tilfinningu fyrir ítalska tungumálinu og hæfni til að nýta sér stíl og hefðir bel canto-söngstílsins. Með Hartt Opera Theatre hefur Valdís sungið hlutverk Næturdrottningarinnar í Töfraflautu Mozarts. Hún söng hlutverk Donnu Önnu í Don Giovanni eftir Mozart með Sinfóníuhljómsveit unga fólksins, hefur haldið einsöngstónleika í Selinu á Stokkalæk og Listasafni Sigurjóns Ólafssonar. Einnig hefur hún komið fram sem einsöngvari með Sinfóníuhljómsveit Íslands, Sinfóníuhljómsveit áhugamanna, Söngsveitinni Fílharmóníu, Sönghópnum Spectrum og Hartt Choir.
Menning Mest lesið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Var talin vera hommi og lögð í einelti Lífið „Við munum ekki eldast saman“ Lífið Ísland með auga fuglsins Lífið Myndasyrpa úr Bakgarðshlaupinu Lífið Borðar það sem alltaf hefur verið til og léttist og léttist Lífið Krakkatían: Dýrin, heimsálfur og teiknimyndir Lífið Ein lausn er að liggja hlið við hlið og fróa sér Lífið Aldrei litið betur út þrátt fyrir alvarlegt slys Lífið Tæpur helmingur íbúa hefur séð myndina Bíó og sjónvarp Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira