Ofnbakaður lax á spínatbeði með dillsósu
1 msk. ólífuolía
1 msk. smjör
1 stór sæt kartafla eða tvær meðalstórar
500 g lax, beinhreinsaður
3 msk Dijon hunangssinnep
salt og nýmalaður pipar
1 lárpera
1 poki gott salat t.d. spínat
ferskt dill
sítróna
ristaðar pekanhnetur
fetaostur
Aðferð: Afhýðið kartöfluna og skerið í litla bita, kryddið til með salti og pipar og leggið í eldfast mót. Hellið smá olíu yfir og bakið í ofni við 180°C í 30 - 35 mínútur eða þar til þær eru mjúkar í gegn.
Leggið laxinn í eldfast mót, smyrjið hann með Dijon sinnepi og kryddið til með salti og pipar. Saxið niður ferskt dill og sáldrið yfir. Bakið í ofni við 180°C í 10 – 12 mínútur.
Þegar kartöflurnar eru tilbúnar þá dreifið þið smátt söxuðu dilli yfir þær og kreistið smá sítrónusafa yfir í lokin.
Blandið spínati, kartöflum, laxi, fetaosti lárperu, og ristuðum pekanhnetum vel saman í skál og berið fram með jógúrtsósunni.
Einföld og góð dillsósa
Þessi sósa hentar með flestum fiskréttum en dill og fiskur passa mjög vel saman.
2 dl grískt jógúrt
1 hvítlauksrif
handfylli dill
salt og nýmalaður pipar
skvetta af hunangi
skvetta af sítrónusafa
Aðferð: Maukið allt saman með töfrasprota eða í matvinnsluvél, geymið í kæli áður en þið berið fram með salatinu.
Missið ekki af Matargleði Evu öll fimmtudagskvöld á Stöð 2.
Ofnbakaður hunangslax á spínatbeði með dillsósu

Hollt og gott laxasalat
Tengdar fréttir

Keppt um bestu smákökuna
KYNNING: Smákökusamkeppni KORNAX hefur verið haldin í aðdraganda jóla undanfarin ár.

Kaka sem má borða í morgunmat
Í síðasta þætti af Matargleði útbjó ég þessa einföldu og góðu múslíköku með grísku jógúrti, berjum og ávöxtum. Hollt og gott fyrir líkama og sál.

Sjávarréttapasta í hvítvínssósu á 15 mínútum
Í síðasta þætti af Matargleði eldaði ég súper einfalt og bragðmikið sjávarréttapasta sem allir ættu að prófa. Spaghettí með humri, risarækjum, chili, hvítlauk og hvítvíni. Virkilega ljúffengt!

Sænskar kjötbollur með öllu tilheyrandi
Í síðasta þætti var sænsk matargerð í aðalhlutverki og útbjó ég meðal annars sænskar kjötbollur með kartöflum, brúnni sósu, sultu og súrum agúrkum. Virkilega ljúffengt.

Sjúklega góð blaut súkkulaðikaka
Svíar eru þekktir fyrir ljómandi góðar súkkulaðikökur og hér er uppskrift að ómótstæðilegri súkkulaðiköku með pekanhnetukrönsi.