Robert Lewandowski, framherji Bayern München í þýsku 1. deildinni í fótbolta, átti hreint magnaðan leik í gær þegar hann skoraði fimm mörk fyrir liðið í 5-1 sigri á Wolfsburg.
Pólski framherjinn kom inn á í hálfleik þegar staðan var 1-0 yfir Wolfsburg og skoraði fimm mörk á níu mínútum.
Með þessu jafnaði hann met Atla Eðvaldssonar, fyrrverandi landsliðsmanns Íslands, frá 1983 yfir flest mörk skoruð af erlendum leikmanni í einum leik í þýsku 1. deildinni.
„Þetta er ótrúlegt. Fimm mörk. Það er alveg magnað,“ sagði Lewandowski í skýjunum eftir leikinn.
„Í hvert einasta skipti sem ég sparkaði í boltann fór hann í markið. Ég er virkilega ánægður. Þetta var gott kvöld fyrir mig.“
Lewandowski um fimmuna: Skoraði í hvert skipti sem ég sparkaði í boltann
Tengdar fréttir
Lewandowski með fimm mörk á níu mínútum | Jafnaði met Atla
Pólski framherjinn Robert Lewandowski afgreiddi Wolfsburg á ótrúlegum níu mínútna kafla í leik liðanna í þýsku úrvalsdeildinni í fótbolta í kvöld. Bayern München vann leikinn 5-1 eftir ótrúlegan seinni hálfleik.
