"Copperwheat loksins kominn í íslenska landsliðið“

Þeir Óli og Svessi úr GameTíví tóku Pro Evolution Soccer 2016 til skoðunar í nýjasta innslagi þeirra. Þar tóku þeir leik með Íslenska landsliðinu gegn Tékklandi og óhætt er að segja að íslenska landsliðið sé í henglum.

Svessi segir það vera dapurlegt, en Óli er á því að hann sé vanþakklátur.

„Það hefur einhver sveittur verið að setja íslenska landsliðið þarna inn. Svo kemur þú og dæmir þennan aðila á bara nokkrum sekúndum.“

Þrátt fyrir skort á íslenskum nöfnum í landsliðinu segir Óli að margt gott sé að finna í spilun leiksins. Sérstaklega ættu aðdáendur PES að finna sig áfram í þessum leik.