Langá á Mýrum komin yfir 2.600 laxa

Langá á Mýrum hefur átt feykilega gott veiðisumar eins og svo margar ár á landinu en í ár var fyrsta árið þar sem hún var aðeins veidd á flugu.

Það er alveg óhætt að fullyrða að ef maðkveiðin hefði verið leyfið hefði heildartalan úr ánni farið vel yfir 3.000 laxa því hún er ennþá pökkuð af laxi á flestum þekktu veiðistöðunum. Ákvörðunin um að taka maðkinn upp hefur verið vel tekið og dró það nýja veiðimenn í ánna sem vilja ekki veiða samhliða maðkinum. Árnefnd Langár lauk veiðum um helgina og landaði hollið 69 löxum á hinar ýmsu flugur. Heildartalan í Langá er komin yfir 2.600 laxa og er þetta því orðið þriðja besta árið í ánni frá upphafi.

Mikil eftirspurn er eftir leyfum í ánna fyrir komandi tímabil en hún er sem stendur í forúthlutunarferli hjá SVFR. Heilt yfir er mun meiri sala á leyfum samkvæmt veiðileyfasölum fyrir næsta ár og hefur þetta góða sumar sem nú er að ljúka dregið marga erlenda veiðimenn aftur til landsins. Þetta á sérstaklega við um breska veiðimenn sem dæmi sem komu margir hverjir með skömmum fyrirvara til Íslands í sumar eftir að veiðin í helstu ánum á Bretlandseyjum brást algjörlega þetta árið.