Kristján Helgason komst í 32 manna úrslit á HM í snóker

Snókerspilarinn Kristján Helgason tryggði sér í dag sæti í 32 manna úrslitum á Heimsmeistaramótinu í 6 rauðum sem haldið er í Tælandi.

Kristján er einn af 4 áhugamönnum frá Evrópu sem tryggðu sér þátttökurétt á þessu móti, og fá tækifæri til að spila við stærstu nöfnin í snókerheiminum.

Kristján er búinn að vinna alla sína 3 leiki til þess á Heimsmeistarmótinu og þar á meðal vann hann  Michael White örugglega 5-2 en White er í 16. sæti heimslistans. Kristján á tvo leiki eftir í riðlakeppni en hann mætir m.a. Judd Trump sem er í 7 sæti á heimslistanum.

Eru hann og Kristján efstir og jafnir í sínum riðli eftir þrjá leiki.