Franskt sölu og dreifingarfyrirtæki tryggir sér Þresti

Franska sölu og dreifingarfyrirtækið Versatile Films hefur tryggt sér réttinn á nýjustu kvikmynd Rúnars Rúnarssonar, Þrestir.

„Við erum góðum höndum og í góðum félagsskap. Versatile hefur góðar myndir á sýnum snærum þar á meðal er verðlaunamyndir frá þessu ári frá Berlin og Cannes,“ segir Rúnar Rúnarsson leikstjóri og einn framleiðanda myndarinnar.

„Þau eru búin að vera í góðu sambandi við okkur alveg síðan á handrit stigi og þau hafa verið að ná frábærum árangri með myndirnar sýnar undanfarinn ár og erum við himinlifandi að vera í samstarfi við þau.”

Í síðustu viku voru Rúnar og nýju samstarfsaðilarnir staddir í Haugasundi á hinum árlega Norræna kvikmyndamarkaði.

„Um lokaðar markaðssýningar var að ræða en einstaka fjölmiðlar náðu víst að lauma sér inn,” segir Rúnar.

Varety hefur fjallað um Rúnar og Þresti tvisvar í vikunni og þar á meðal tilnefnd Rúnar einn af top 10 kvikmyndatalentum á norðurlöndunum til að fylgjast með. Það er skammt stórra högga á milli því að nýlega var tilkynnt að Þrestir hafði verið valin í aðalkeppnina á hinu virtu kvikmyndahátíð í San Sebastian á Spáni.

Þrestir er dramatísk mynd sem fjallar um 16 ára pilt, sem sendur er á æskustöðvarnar vestur á firði til að búa með föður sínum sem hann hefur ekki séð í ein sex ár.

Í aðalhlutverkum eru Atli Óskar Fjalarsson, Ingvar E. Sigurdsson, Rakel Björk Björnsdóttir , Kristbjörg Kjeld og Rade Serbedzija.Tónlist myndarinnar er samin af Kjartani Sveinssyni.

Þrestir eru framleiddir af Nimbus Ísland og Nimbus film í samvinnu við Pegasus og MPfilms. Myndin er styrkt af Kvikmyndamiðstöð Íslands, danska kvikmyndasjóðnum, norrænukvikmynda- og sjónvarpssjóðnum, króatíska kvikmyndasjóðnum, Iðnaðarráðuneytinu og í samvinnu við Senu, RÚV, TV2 í Danmörku og SF í Danmörku. Þrestir koma í almennar sýningar 16. október á vegum Senu.