Aðeins tveir leikmenn í landsliðshópi karla í knattspyrnu fyrir leikina gegn Hollandi og Kasakstan í undankeppni EM 2016 spila í Pepsi-deildinni, efstu deild hér á landi. Aðrir eru atvinnumenn úti í löndum.
Umræddir leikmenn eru markvörðurinn Gunnleifur Gunnleifsson og vinstri bakvörðurinn Kristinn Jónsson. Breiðablik á leik á sunnudaginn gegn Leikni en Kópavogsliðið reynir hvað það getur til að halda í við FH í baráttunni um Íslandsmeistaratitilinn.
Gunnleifur hefur leikið 26 landsleiki fyrir Íslands hönd og Kristinn fjóra.
Fulltrúar Pepsi-deildarinnar gegn Hollandi báðir Blikar
Tengdar fréttir
Þetta eru leikmennirnir sem Lars og Heimir völdu fyrir leikinn gegn Hollandi
Landsliðshópurinn er óbreyttur frá því í 2-1 sigurleiknum gegn Tékkum í júní.
Ari Freyr einn á hættusvæði fyrir Hollandsleikinn
Sex íslenskir landsliðsmenn hafa fengið áminningar í leikjunum sex í undankeppni EM 2016.
Engar breytingar á landsliðshópnum
Landsliðsþjálfararnir Lars Lagerbäck og Heimir Hallgrímsson tilkynntu í dag hóp sinn fyrir leikina gegn Hollandi og Kasakstan í undankeppni EM. Þeir völdu sama hóp og síðast.
