Gríska þingið samþykkti nú í kvöld að gangast við boði evruríkjanna um lánapakka. Umræðurnar á þinginu höfðu staðið yfir lengi og til átaka kom á milli lögreglu og mótmælenda fyrir utan þinghúsið á meðan.
Gengið var til atkvæða rétt fyrir klukkan ellefu að íslenskum tíma og voru allir þingmenn beðnir um að greiða atkvæði upphátt. Janis Varúfakis, sem rekinn var úr embætti fjármálaráðherra í síðustu viku, var meðal þeirra sem greiddi atkvæði gegn því að samþykkja tilboðið.
Alls greiddu 229 þingmenn atkvæði með því að samþykkja pakkann en 64 gegn því. Það hlýtur að teljast áhyggjuefni fyrir Alexis Tsipras forsætisráðherra að rúmlega þrjátíu þingmenn Syriza flokksins, sem Tsipras leiðir, greiddu atkvæði gegn því að samþykkja pakkann, þvert á það sem hann hafði hvatt þá til að gera.
Grikkir samþykkja evrópska lánapakkann
Tengdar fréttir
Reikna með fjölmennum mótmælum í Aþenu í kvöld
Grískur þingheimur mun greiða atkvæði um frumvörpin fjögur í kvöld, en þau eru forsenda þess að frekari neyðarlán berist.
Grikkir milli steins og sleggju
Gríska þingið stendur frami fyrir gríðarlega erfiðum ákvörðunum í kvöld. Tsipras segist samþykkja lánapakka með hníf við hálsinn.
Tsipras: „Án ykkar stuðnings er erfitt fyrir mig að gegna áfram starfi forsætisráðherra“
Grískur þingheimur mun greiða atkvæði um frumvörpin fjögur í kvöld, en þau eru forsenda þess að frekari neyðarlán berist.
Tregafullur Tsipras vinnur að stuðningi við frumvörp innan gríska þingsins
Grískur þingheimur mun greiða atkvæði um frumvörpin fjögur í kvöld, en samþykkt þeirra er forsenda þess að frekari neyðarlán berist.
