Spotify hvetur áskrifendur til að segja upp

Forsvarsmenn tónlistarveitunnar Spotify hvetja nú áskrifendur fyrirtækisins að segja upp áskrift sinni og skrá sig inn aftur. Um er að ræða þá notendur sem eru með iPhone og greiða áskriftargjaldið í gegnum iTunes. Með því að segja þeirri áskrift upp og skrá sig þess í stað beint í gegnum Spotify.com geta notendur sparað sér 30 prósent gjald, sem Apple leggur á áskriftina.

Fyrirtækin tvö eru komin í mikla samkeppni eftir að Apple setti forritið Apple Music í loftið.

The Verge segir frá því að Spotify muni senda tölvupóst til þeirra notenda sem eigi iPhone og leiðbeina þeim skref fyrir skref hvernig hægt sé að komast hjá þessu gjaldi Apple.