Sexí sumarfrí?

Sumarfrí og sexí afslöppun fara ekki endilega saman, sérstaklega ekki ef þú átt börn á leik- og grunnskólaaldri.

Þegar sumarfrí skellur á og allir eru heima þá þarf að vanda sig til að geta fundið tíma fyrir kelerí.

Ef þið verðið heima í sumarfríinu þá getur verið kjörið að nýta björt sumarkvöld til kelerís. Hægt er að skapa huggulega stemmingu heima fyrir með því að setjast útá svalir/pall/garð með teppi og drykk að eigin vali og spjalla smá um heima og geim - lesist, ekki tala um börnin ykkar.

Talið um hvaða landa og landshluta ykkur langar að heimsækja, hvernig þið getið komið stefnumótum reglulega fyrir á dagskrá og hvar ykkur langar að vera eftir fimm ár.

Leyfðið ykkur að dreyma, saman og sem einstaklingar.

Eða spilið. Bara það að eyða tíma saman tvö er mikilvægt.

Rannsóknir sýna að pör sem muna eftir sér sem einstaklingar og rækta sig og sín áhugamál, samhliða sambandinu, eiga sterkara samband og eru meira aðlaðandi í augum makans.

Það er mikilvægt að muna að allt kynlíf byrjar í heilanum svo áður en gælur við kynfæri eiga sér stað þarf að strjúka og kitla heilanum og því er best að hita upp með samræðum.

Nú ef áhugi er fyrir því að krydda kynlífið þá gæti verið gaman að vera með sleipiefnasmakk eða jafnvel splæsa í litla græju ef markmiðið er að prófa eitthvað nýtt.

Fyrir sumum er það að þiggja, eða gefa, munnmök feikinóg krydd í kynlífið svo það getur verið ykkar krydd inn í sumarið.

Byrjið á því að gefa ykkur tíma saman og þá verður auðveldara að koma sér í kynlífið.

Ef þið verðið í bústað þá mætti skoða það að tjalda úti á lóðinni og leyfa sér smá kelerí úti í náttúrunni á meðan börnin sofa vært inni fyrir. Þetta er sérstaklega skemmtilegt ef ykkur langar að láta aðeins heyrast í ykkur nú eða ykkur finnast náttúruhljóð æsandi.

Óháð staðsetningu þá er sumarfrí tíminn til að geyma streitu vinnunnar og hversdagsins og þá er gott að nýta tímann til að tengja sig aftur við makann og fjölskylduna. Kynlífið fylgir svo.